Top Girl (film)
|
C'l artìcul chè 'l è scrit in
Miranduléś |
 Top Girl | ||
 La Sonia Topazio e Madison in na figùra dal film | ||
| id. 1997 | ||
|---|---|---|
| Regìa: Joe D'Amato | ||
| Scritōr: Joe D'Amato | ||
| Atōr: Carla Solaro • Robert Madison • Sonia Topazio David D'Ingeo • Linda Gucciardo • Claudio Kleen | ||
| Müsica: Piero Montanari | ||
| Léngua: Ingléś | ||
| Dürä dal film: 92 minüt | ||
| Nasiōṅ: Itàglia | ||
Top Girl (id.) 'l è 'n film eròtic dal 1997 scrit e dirèt par Joe D'Amato.
Sunt
[mudéfica la surzéia]Esénd che la sò telenuvéla La vōś dal cōr l'è in criśi da quànd la prutagunìsta dal telefìlm l'è armàśa gravda, al prudutōr televiśìṿ ad Canàł 7 ad Los Angeles Theodore Roders (Claudio Kleen) al dà 'l incàr'g a 'l sò culaburadōr Mike Fraser (Robert Madison) ad strulgàr na sulusiòṅ p'r alvàr incóra gl'ìndas 'd ascōlt dal prugràma. Chi lò, insém a la sò muróśa Cathy (Sonia Topazio), al decìd ad catàr na prutagunìsta nóva sarnénd na biónda ciamàda Pamela Morgan (Carla Solaro), atōra a 'l debùt, tgnénd adrē a 'n identikit mis insém da 'n computer cunsiderànd al rispòsti dadi da i spetadōr a 'n cuncōrs.
Mike al finìs p'r andàr a lèt cun la Pamela ch'la gh'astà anc s'l'è bèla impgnàda c'n un ragàs dimóndi gelóś e a 'l antìga, Rick (David D'Ingeo). Al sò primi dū puntàdi i vànan mâł ma pò la ragàsa la taca a 'vēr dimóndi sucès fra 'l pùblic e anc in di òć ad Roders ch'al s prufìta dal fat ch'l'è mèśa imbariàga par dar-ag dū cōlp anc lò. Quànd chi lò al decìd ad śluntaràr Mike da la telenuvéla, par psēr armàgnar da par lò cun la Patricia, Fraser al s véndica cuntànd dla sò relasiòṅ a 'n giurnalìsta patégul ma pò 'l scoop al finìs sōl par far dla reclàm a la traśmisiòṅ.
Stufa di còran patî, la Cathy la preferìs turnàr in Itàglia méntar Roders al decìd ad scanśàr al persunàǵ dla Patricia parchè al pùblic al s è stufâ 'd lē.