Tonya
|
C'l artìcul chè 'l è scrit in
Miranduléś |
 I, Tonya
| ||
 La Margot Robbie in na figùra dal film | ||
| Tonya 2017 | ||
|---|---|---|
| Regìa: Craig Gillespie | ||
| Scritōr: Steven Rogers | ||
| Atōr: Margot Robbie • Julianne Nicholson Allison Janney • Sebastian Stan • Caitlin Carver Paul Walter Hauser • Jason Davis • Amy Fox Mea Allen • Lynne Ashe • Bobby Cannavale | ||
| Müsica: Peter Nashel | ||
| Léngua: Ingléś | ||
| Dürä dal film: 119 minüt | ||
| Nasiōṅ: Stat Unî | ||
Tonya (id.) 'l è 'n film biugràfic americàṅ dal 2017 ad Craig Gillespie. Custâ ùndas migliòṅ ad dòlar, al film al 'n à pò muciâ sù dagnóra sinquànta-quàtar.
La pelìcula l'à vins un Prèmi Òscar par l'atōra minga prutagunìsta cun lʼAllison Janney e dū candidadùri par la Margot Robbie (atōra prutagunìsta) e 'l muntàǵ.
In dla culòna sunóra i s càtan di pès ad Cliff Richard (Devil Woman), di Dire Straits (Romeo and Juliet), di ZZ Top (Sleeping Bag), ad LaTour (People are Still Having Sex), di Supertramp (Goodbye, Stranger), di Heart (Barracuda), dla Laura Branigan (Gloria), di Fleetwood Mac (The Chain) e di Siouxsie and the Banshees (The Passenger).
Sunt
La Tonya Harding (Margot Robbie) l'è na śōvna patinadōra su 'l giàs d'l Òregun, caréra sarnìda par lē fiṅ da pìcula da sò màdar LaVona (Allison Janney), na dóna dimóndi sevéra sèg e sénsa afèt. Spuśàda cun Jeff Gillooly (Sebastian Stan), 'n óm ch'al la pìcia da spés, la ragàsa la gh la cava a cumpétar par la squàdra americàna a i mundiài e a gl'ulimpìad, esénd anc bòna 'd far un nùmar dimóndi difìcil, 'l axel trìpal.
In di śōg ulìmpig 'd Albertville in dal 1992 la fà però di śbaj, finénd quàrta da drē a la sò rivàla Nancy Kerrigan (Caitlin Carver). Quànd a chi lē un sicàri al gh śbraga 'l śnòć par far-la fóra da 'l gari, 'l FBI al taca a 'vēr di suspèt su la Nancy e 'l sò grup, in mèś a i quài a gh'è 'n amìg ad Jeff, Shawn Eckhardt (Paul Walter Hauser).