Tony Musante
|
C'l artìcul chè 'l è scrit in
Miranduléś |
Anthony Peter Musante Jr., cgnusû méj cuma Tony Musante (Bridgeport, 30 ad Śugn dal 1936 - New York, 26 ad Nuvémbar dal 2013), 'l è stâ 'n atōr americàṅ.
Biugrafìa
[mudéfica la surzéia]Nâ in Connecticut da na famìja 'd italo-americàṅ, Tony al s diplòma a 'l Oberlin College e pò al taca a far 'l insgnànt ad mistēr.
In dal 1960 'l eśurdìs su i palc d'l off-Broadway. Tri an dòp al prudutōr David Susskind al gh buta i òć adòs e 'l al sarnìs par far la part 'd un delinquènt in dal senegiâ televiśìṿ Ride With Terror. In chi an lè Musante al cuntìnua a lauràr in soquànt telefìlm cuma L'Ora di Alfred Hitchcock.
In séguit al s davśìna a 'l cìnema tulénd part a 'l thriller L'ultimo omicidio ad Ralph Nelson (1965). A la fiṅ di an Ssanta al s trasferìs in Itàglia par giràr sinc film cun di regìsta impurtànt: al western Il mercenario ad Sergio Corbucci (1968), Metti, una sera a cena ad Giuseppe Patroni Griffi cun Jean-Louis Trintignant e la Florinda Bolkan (1969), Anonimo veneziano 'd Enrico Maria Salerno (1970), L'uccello dalle piume di cristallo, al prim film ad Dario Argento cun la Suzy Kendall (1970) e Il caso Pisciotta 'd Eriprando Visconti (1972), anvōd ad Luchino (1972).
In di an Stanta al tórna in di Stat Unî par tōr part a soquànt telefìlm faghénd al detective dal New Jersey David Toma in Toma e pò girànd soquànt epiśòdi ad Sulle strade della California.
Al tórna a lauràr cun Enrico Maria Salerno in dal 1978 cun la pelìcula Eutanasia di un amore cun l'Ornella Muti e la Monica Guerritore. In dal 1985 al gira La gabbia, film eròtic cun la Laura Antonelli e la Florinda Bolkan.
In di an Nuànta 'l è impgnâ in Amèrica c'n al telefìlm Oz. 'L ùltim sò lavōr 'l è la fiction Pupetta - Il coraggio e la passione cun la Manuela Arcuri.
'L è mòrt a stanta-tri an a Manhattan durànt n'uperasiòṅ.
Filmugrafìa
[mudéfica la surzéia]
- 1965 - L'ultimo omicidio (Once a Thief), regìa ad Ralph Nelson
- 1967 - New York: ore tre - L'ora dei vigliacchi (The Incident), regìa ad Larry Peerce
- 1968 - Inchiesta pericolosa (The Detective), regìa ad Gordon Douglas
- 1968 - Il mercenario, regìa ad Sergio Corbucci
- 1969 - Metti, una sera a cena, regìa ad Giuseppe Patroni Griffi
- 1970 - L'uccello dalle piume di cristallo, regìa ad Dario Argento
- 1970 - Anonimo veneziano, regìa 'd Enrico Maria Salerno
- 1971 - L'ultima fuga (The Last Run), regìa ad Richard Fleischer
- 1971 - Grissom Gang (Niente orchidee per Miss Blandish) (The Grissom Gang), regìa ad Robert Aldrich
- 1972 - Il caso Pisciotta, regìa 'd Eriprando Visconti
- 1974 - Ancora tu, maledetto sbirro (Toma: Lash of Vengeance), regìa ad Jeannot Szwarc
- 1976 - Uno sbirro dalla faccia d'angelo (Toma: Best of the Sakecrackers), regìa ad Richard Bennett
- 1977 - Goodbye & Amen, regìa ad Damiano Damiani
- 1978 - Squadra antidroga (Toma), regìa ad Richard T. Heffron
- 1978 - Eutanasia di un amore, regìa 'd Enrico Maria Salerno
- 1983 - Notturno, regìa ad Giorgio Bontempi
- 1984 - Il Papa del Greenwich Village (The Pope of Greenwich Village), regìa ad Stuart Rosenberg
- 1985 - La gabbia, regìa ad Giuseppe Patroni Griffi
- 1985 - Il pentito, regìa ad Pasquale Squitieri
- 1999 - In fondo al cuore (The Deep End of the Ocean), regìa 'd Ulu Grosbard
- 2000 - The Yards, regìa ad James Gray
- 2003 - La vita come viene, regìa ad Stefano Incerti
- 2004 - Promessa d'amore, regìa 'd Ugo Fabrizio Giordani
- 2007 - I padroni della notte (We Own the Night), regìa ad James Gray
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Tony Musante
Wikimedia Commons contiene file multimediali su Tony Musante
