Tony Ganios
|
C'l artìcul chè 'l è scrit in
Miranduléś |
Tony Ganios (New York, 21 'd Utóbar dal 1959 - New York, 18 ad Favràr dal 2024) 'l è stâ 'n atōr americàṅ, cgnusû a 'l cìnema p'r avēr fat in di an Utànta la part 'd Anthony Tuperello, dit “Pilòṅ”, in di film Porky's - Questi pazzi pazzi porcelloni, Porky's II - Il giorno dopo e Porky's III - La rivincita!.
Biugrafìa
[mudéfica la surzéia]Nâ a Brooklyn da na famìja cun di urìgini gréchi e itagliàni, Tony 'l à fat al sò debùt a 'l cìnema in dal 1979 cun The Wanderers - I nuovi guerrieri insém a Ken Wahl e a la Karen Allen. In dal 1981 'l à recitâ a fiànc ad John Belushi in dla cumèdia Chiamami aquila. Sèmp'r in c'l an lè 'l à tacâ a lauràr insém a 'l regìsta Bob Clark in dla trilugìa ad Porky's.
In di an Nuànta a 'l ém vist in dal film 'd asiòṅ 58 minuti per morire - Die Harder, cun prutagunìsta Bruce Willis, e in dal thriller Sol levante, cun Sean Connery, Wesley Snipes e Harvey Keitel.
'L è mòrt 'd infàrt in 'n uśdàł ad Manhattan a ssanta-quàt'r an.
Filmugrafìa
[mudéfica la surzéia]- 1979 - The Wanderers - I nuovi guerrieri (The Wanderers), regìa ad Philip Kaufman
- 1981 - Back Roads, regìa ad Martin Ritt
- 1981 - Chiamami aquila (Continental Divide), regìa ad Michael Apted
- 1982 - Porky's - Questi pazzi pazzi porcelloni! (Porky's), regìa ad Bob Clark
- 1983 - Porky's II - Il giorno dopo (Porky's II: The Next Day), regìa ad Bob Clark
- 1984 - Body Rock, regìa ad Marcelo Epstein
- 1985 - Porky's III - La rivincita! (Porky's Revenge), regìa ad James Komack
- 1990 - 58 minuti per morire - Die Harder (Die Hard 2), regìa ad Renny Harlin
- 1991 - Rapina del secolo a Beverly Hills (The Taking of Beverly Hills), regìa ad Sidney J. Furie
- 1992 - I moschettieri del 2000 (Ring of the Musketeers), regìa ad John Paragon - Film TV
- 1993 - Sol Levante (Rising Sun), regìa ad Philip Kaufman