Tigra

C'l artìcul chè 'l è scrit in Miranduléś

Tigra
na tigra
Dominì: Eukaryota
Rèign: Animalia
Phylum: Chordata
Clâsa: Mammalia
Órdin: Carnivora
Famija: Felidae
Sòtfamija: Pantherinae
Gènàr: Panthera Linnaeus, 1758
Sòrta: Panthera tigris

La tigra (nóm sientìfic Panthera tigris, tigre in itagliàṅ, tigris in latìn) 'l è 'n mamìfar magna-carna dla famìja di felidae uriginària dl'Àśia in du la s pōl catàr in Ìndia, Népal, Buthan, Bangladesh, Cambògia, Làos, Tailàndia, Vietnam, Cina e Rùsia.

L'è la bèstia più granda di „felîn grand“ dal gènar panthera, grup ch'al gh'à dènt'r anc al lèòṅ, al giaguàr, al leupàrd e 'l leupàrd dla néṿ. In natùra l'è bòna 'd scampàr da déś a quìnd'ś an.

Descrisiòn

La tigra la gh'à 'n mantèl aràns culurâ cun dal sfìnduli négri e na pansa biànca, un misćiùs ad culōr ch'al gh parmét ad lugàr-as méj in dla vegetasiòṅ quànd la và a casa.

Al sò dimensiòṅ i càmbian a secónda dla rasa. Un masć dla tigra 'd Sumàtra la pōl rivàr a dū mét'r e tri al lunghésa p'r un pēś ad sènt-quarànta chilo a 'l màsim méntar na tigra siberiàna la pōl pśar tarśènt e pasa chilo par tri mét'r e tri ad lunghésa. Cla bèstia chè l'è élta da 85 cm a 1,2 mt. I sò òć i èṅ tónd e i funsiónan dimóndi bèṅ acsè cuma 'l sò uréci.

Ad sòlit la tigra la viṿ da par lē e la magna praticamènt tut i gèn'r ad carna: mamìfar (anc dimóndi grand cuma 'l bùfal e 'l rinucerònt), pés, uśèi, rètii, anfìbi e insèt. La fémna la parturìs na vòlta 'l an, faghénd da dū a quàtar tigròt.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Tigra
Wikimedia Commons contiene file multimediali su Tigra