Theda Bara
|
C'l artìcul chè 'l è scrit in
Miranduléś |
La Theodosia Burr Goodman, cgnusùda méj c'n al nón 'd art ad Theda Bara (Cincinnati, 29 ad Luj dal 1885 - Los Angeles, 7 'd Avrìl dal 1955, a s lèś [ˈθiːdə ˈbærə] in ingléś), l'è stada n'atōra americàna, dimóndi famóśa a i tèmp dal cìnema mut in du l'à fat da spés la part dla femme fatale. La gh'à na stéla in dla Hollywood Walk of Fame.
A 'l inìsi dla sò caréra l'à cambiâ al sò nóm sarnénd 'l anagràma 'd “Arab Death” ch'in ingléś a vōl dir “Mòrt Àraba”. I prudutōr i l'aṅ fata figuràr cuma na dóna tentadōra e parvèrsa, publicànd dal sò fóto cun lē in di pagn dn'egisiàna cun tut 'd intóran dal tlarédi e di sarpènt. In dal gir ad tréd'ś an, da 'l 1914 a 'l 1926, l'à girâ quarànta-sinc film, dagnóra tut andâ pardû. Fra qvéi scampâ a 'rcurdém The Stain (1914), La vampira (1915), East Lynne (1916) e The Unchastened Woman (1925). In chi an lè a l'ém vista in di pagn dla Salomè, dla Cleopatra, dla Carmen e dla sigàgna Esmeralda, persunàǵ ad Notre-Dame de Paris ad Victor Hugo.
La s è ritiràda da 'l séni in dal 1926 quànd al persunàǵ dla “vamp” 'l è pasâ 'd mòda par far spasi a qvéi dal masćiùsi di an dal jazz. L'è armàśa insém a sò marè, al regìsta Charles Brabin spuśâ in dal 1921, in fîṅ a 'l 1955 quànd l'è mòrta a ssant'nóṿ an p'r cànc'r a 'l stómag.
Culegamènt estéran
Àtar prugèt
Wikimedia Commons contiene file multimediali su Theda Bara
