The Unsaid - Sotto silenzio
|
C'l artìcul chè 'l è scrit in
Miranduléś |
 The Unsaid | ||
| The Unsaid - Sotto silenzio | ||
 Andy Garcia in na figùra dal film | ||
| Al minga dit - Sóta silénsi 2001 | ||
|---|---|---|
| Regìa: Tom McLoughlin | ||
| Scritōr: Christopher Murphey Miguel Tejada-Flores • Scott Williams | ||
| Atōr: Andy Garcia • Vincent Kartheiser Trevor Blumas • Chelsea Field • Linda Cardellini Peter Hanlon • Teri Polo • Brendan Fletcher Sam Bottoms • Trevor Aikman • Kim Schraner Dena Lang • Ivan MacDonald • Sarah Deakins | ||
| Müsica: Don Davis | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî • Cànada | ||
The Unsaid - Sotto silenzio (Al minga dit - Sóta silénsi) 'l è 'n thriller dramàtic americàṅ e canadéś dal 2001 ad Tom McLoughlin.
'L è custâ vint-a-dū migliòṅ ad dòlar, ciapànd-an pò sōl dū e òṅ.
Sunt
[mudéfica la surzéia]La vita dal psicòlug Michael Hunter (Andy Garcia) la càmbia quànd sò fiōl Kyle (Trevor Blumas), malâ 'd depresiòṅ, al s tōś la vita in dal garàǵ ad cà druànd i gas ad scàrag dla màchina méntar lò e sò mujēr, la Penny (Chelsea Field), i ér'n andâ a véd'r un spetàcul a teàtar ad sò fiōla Shelly (Linda Cardellini). La còpia la divòrsia e la ragàsa la và a star a cà ad sò màdar.
Un dè la sò èx studènta Barbara Wagner (Teri Polo), ch'adès la s è laureàda tacànd a far l'asistènta suciàla in un sèntar par di śōvan cun di prubléma, la gh admànda ajùt par tgnir adrē a 'n ragàs ad darsèt an ciamâ Thomas (Vincent Kartheiser) che soquànt an prima 'l iva vist sò pàdar Joseph (Sam Bottoms) masàr sò màdar Diana (Sarah Deakins) dòp avēr-la bcada a lèt cun 'n àt'r óm.
Al śōvan 'l è armàś traumatiśâ, adès a pâr ch'l àppia fat di prugrès ma al gh'à incóra di prubléma a far frònt a i sò scat 'd arlìa ch'i rìvan quànd 'l è sóta stress. A 'n rave party al cgnós la Shelly, faghénd-'s amìg sèg, pròpria quànd pôc tèmp prima a la fèsta l'è stada masàda na ragàsa ciamàda Chloe (Kim Schraner) che dòp avēr pipâ quèl la s éra fata avànti sèg.