The Snapper
|
C'l artìcul chè 'l è scrit in
Miranduléś |
 The Snapper | ||
.png) Colm Meaney in na figùra dal film | ||
| Al putèṅ 1993 | ||
|---|---|---|
| Regìa: Stephen Frears | ||
| Scritōr: Roddy Doyle | ||
| Atōr: Colm Meaney • Tina Kellegher Ruth McCabe • Eanna MacLiam • Peter Rowen Pat Laffan • Joanne Gerrard • Stanley Townsend | ||
| Müsica: Stanley Myers | ||
| Léngua: Ingléś | ||
| Dürä dal film: 94 minüt | ||
| Nasiōṅ: Irlànda • Régn Unî | ||
The Snapper (Al putèṅ) 'l è 'n film irlandéś e ingléś par la televiśiòṅ dal 1993 ad Stephen Frears, dècim epiśòdi dla nòna stagiòṅ dla série Screen Two. 'L è stâ traśmìs al 4 'd Avrìl dal 1993 par la BBC. Al tìtul dal film al daśvîṅ da na paròla druàda in dal slang irlandéś par riferìr-'s a 'n putèṅ péna nâ.
La pelìcula l'è stada preśentàda a 'l 46śum Fèstival ad Cannes.
Sunt
[mudéfica la surzéia]La Sharon Curley (Tina Kellegher) la gh'à vint an, la viṿ a Dublîṅ e la lavóra in un supermarcâ. Un dè l'armàgn gravda ma la s rifiùta 'd dir al nóm dal respunsàbil a sò pàdar, al śbiangśèṅ Dessie (Colm Meaney) e a sò màdar, la Kay (Ruth McCabe). La decìd ad tgnir al putèṅ anc s'l'è puta e la sò famìja l'è 'd acòrd sèg.
In dal sò quartēr pupulàr la gint braghéra la s mét a spataglàr in gir e i tàc'n a giràr dal vōś. A 'n sèrt punt 'n amìg ad Dessie ciamâ George Burgess (Pat Laffan) al diś par schèrs o dabòṅ 'd avēr fat sès cun la Sharon in dal méntar ch'l'éra imbariàga. La ragàsa la salta sù dgénd ch'a n è mia véra, ch'al pàdar 'l è marinàr spagnōl ch'al pasàva da 'd lè.