The Runaways (grup)
|
C'l artìcul chè 'l è scrit in
Miranduléś |
.jpg)
.jpg)
.jpg)
Al Runaways (a s diś /ˈrʌnəˌweɪs/ in ingléś), i èṅ stadi 'n grup hard rock califurgnàṅ ad ragasōli 'd Los Angeles nâ in dal 1975 a òvra dal prudutōr Kim Fowley.
La banda la gh'à abû un sucès relatìṿ, misćiànd 'l heavy metal americàṅ c'n al punk rock nâ in chi an lè, anc parchè l'è stada in vita sōl quàt'r an, in tut al manéri al Runaways i èṅ stadi 'n punt 'd ispirasiòṅ e 'd riferimènt p'r i grup rock ad sunadōri dóni a vgnir.
Dla furmasiòṅ i gh fàvan part la Joan Jett (chitàra rìtmica e bas) e la Lita Ford (chitàra sulìsta) che pò i aṅ abû sucès da par lōr in di an Utànta, la prima cun di pès cuma I Love Rock ‘n Roll e Do You Wanna Touch Me (Oh Yeah), la secónda scrivénd i braṅ Kiss Me Deadly e Close My Eyes Forever, qvést chè cantâ insém a Ozzy Osbourne.
Atri mémbri dal grup i èṅ stadi la cantànta Cherie Currie, la baterìsta Sandy West (mòrta in dal 2006) e 'l basìsti Micki Steele (sōl in dal 1975, pò la s è śuntàda a 'l The Bangles), Jackie Fox, Vicki Blue e Laurie McAllister (mòrta in dal 2011).
I pès più famóś dal Runaways i èṅ Cherry Bomb (ch'la gh'à avèrt al marcâ giapunéś), Hollywood, Queens of Noise e la cover di the Velvet Underground Rock & Roll.
In dal 2010 'l è vgnû fóra 'n film biugràfic su 'l grup da 'l tìtul The Runaways cun la Kristen Stewart e la Dakota Fanning.
Discugrafìa
Àlbum
- 1976 - The Runaways
- 1977 - Queens of Noise
- 1977 - Waitin' for the Night
- 1978 - And Now... The Runaways
Disc da 'l viṿ
- 1977 - Live in Japan