The Ring 3
|
C'l artìcul chè 'l è scrit in
Miranduléś |
 Rings | ||
| The Ring 3 | ||
 La Matilda Lutz e Alex Roe in na figùra dal film | ||
| 'L anèl 3 2017 | ||
|---|---|---|
| Regìa: F. Javier Gutiérrez | ||
| Scritōr: David Loucka • Jacob Estes Akiva Goldsman • Kôji Suzuki | ||
| Atōr: Matilda Lutz • Alex Roe • Bonnie Morgan Aimee Teegarden • Vincent D'Onofrio • Se Oh Johnny Galecki • Zach Roerig • Lizzie Brocheré Karen Ceesay • Patrick Walker • Laura Wiggins | ||
| Müsica: Matthew Margeson | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî | ||
The Ring 3 (’L anèl 3) 'l è 'n film ad scarésa dal 2017 ad F. Javier Gutiérrez, séguit di film The Ring dal 2002 dirèt par Gore Verbinski e 'd The Ring 2 dal 2005 'd Hideo Nakata.
Al film 'l à muciâ sù da piò 'd utànta-tri migliòṅ ad dòlar dòp ès'r-an custâ vint-sinc.
Sunt
[mudéfica la surzéia]Holt Anthony (Alex Roe) e la Julia (Matilda Lutz) i èṅ dū śōvan muróś ch'i gh'aṅ però da separàr-as quànd al ragàs al partìs par studiàr in culéǵ. P'r armàgn'r in cuntàt i s ciàman da spés via Skype ma na sira invéci 'd Holt a ciàma na studènta tuta spavintàda, la Skye (Aimee Teegarden), ch'la gh diś ch'al ragàs 'l è sparî.
La Julia la ciàpa la màchina e la và subìt a l'università in dua la dascór c'n al sò prufesōr Gabriel Brown (Johnny Galecki). Quànd 'l insgnànt al la manda via in manéra suspèta, la śōvna la gh tîṅ adrē e la riva a n'àula in dua un grup ad studènt cgnusû cuma The Sevens i fànan di esperimènt guardànd un vìddeo maladî dla Samara Morgan (Bonnie Morgan), na baghéta lasàda murìr in un pós soquànt an prima. La gint ch'la guàrda la caséta la mōr dòp na stmana ma la pōl scampàr s'la la fà véd'r a n'atra parsòna.
In dal grup a gh'è anc la Skye. Esénd ch'i sò sèt dè i èṅ drē a finìr, la ragàsa la próa a far véd'r al vìddeo a la Julia che però la s tira indrē a 'l ùltim, lugànd-'s in bagn dòp avēr lèt un mesàǵ su 'l telefunèṅ dal sò muróś, mémbar anc lò di The Sevens. La Samara la salta fóra da la televiśiòṅ e la fà murìr 'd paùra la pòvra Skye.
Par salvàr Holt da la maledisiòṅ, esénd ch'anc par lò la stmana l'è drē a finìr, la ragàsa la guàrda 'd nascòst al vìddeo dla Samara ma 'sta vòlta a gh'è quèl ch'a traśa. Su la sò maṅ a salta fóra na bruśadùra cun na scrita in còdas braille e pò al filmâ ch'l'à vdû al gh'à dal figùri śuntàdi in du a s capìs al pòst in du la Samara l'è stada saplìda.
La Julia e Holt i vàn'n acsè in dal campsànt ad Sacrament Valley, ma la tómba l'è vōda, pò i cgnós'n un sèrt Galen Burke (Vincent D'Onofrio), ch'l è dvintâ òrub ma ch'al sà quèl su qvél ch'l è sucès dabòṅ a la Samara.