The Opposite of Sex - L'esatto contrario del sesso
|
C'l artìcul chè 'l è scrit in
Miranduléś |
 The Opposite of Sex
| ||
| The Opposite of Sex - L'esatto contrario del sesso | ||
 La Christina Ricci in na figùra dal film | ||
| The Opposite of Sex - Al cuntràri eśàt dal sès 1997 | ||
|---|---|---|
| Regìa: Don Roos | ||
| Scritōr: Don Roos | ||
| Atōr: Christina Ricci • Martin Donovan Lisa Kudrow • Lyle Lovett • Johnny Galecki William Lee Scott • Ivan Sergei • Megan Blake | ||
| Müsica: Mason Daring | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
The Opposite of Sex - L'esatto contrario del sesso (The Opposite of Sex - Al cuntràri eśàt dal sès) l'è na cumèdia dramàtica americàna dal 1997 ad Don Roos ch'al l'à anc scrita.
L'è custàda sinc migliòṅ e la 'n à fat sù siē e quàtar.
Sunt
La Dedee Truitt (Christina Ricci) l'è pròpria qvél ch'a s diś èsar na dunàsa anc s'la gh'à sōl séd'ś an. La viṿ in Luiśiàna e la spèta 'n putèṅ da 'l sò èx muróś, Randy Cates (William Lee Scott). Un dè la mòla incòsa p'r andàr a star da 'l sò fradlàstar più grand Bill (Martin Donovan) ch'l è gay e ch'al fà 'l insgnànt in Indiàna. Chi lò 'l à tacâ da pôc na relasiòṅ cun Matt (Ivan Sergei) dòp ch'al sò muróś Tom 'l è mòrt 'd AIDS. Bill 'l è incóra amìg dla surèla ad chi lò, la Lucia (Lisa Kudrow).
La Dedee, a cà dal fradèl, la s pòrta a lèt Matt, pò la gh fà crédar 'd ès'r armàśa insìnta da lò. Insém i scàpan via p'r andàr a Los Angeles. La śōvna la gh'à sèg al séndri 'd Tom e l'è prònta a dmandàr di bèsi p'r al riscàt.