The Hitcher - La lunga strada della paura
|
C'l artìcul chè 'l è scrit in
Miranduléś |
 The Hitcher
| ||
| The Hitcher - La lunga strada della paura | ||
 Rutger Hauer in na figùra dal film | ||
| 'L auto-stupìsta - La strada lunga dla paùra 1986 | ||
|---|---|---|
| Regìa: Robert Harmon | ||
| Scritōr: Eric Red | ||
| Atōr: C. Thomas Howell • Jennifer Jason Leigh Rutger Hauer • Jeffrey DeMunn • John M. Jackson Billy Green Bush • Jack Thibeau • Jon Van Ness | ||
| Müsica: Mark Isham | ||
| Léngua: Ingléś • Francéś | ||
| Dürä dal film: 87 minüt | ||
| Nasiōṅ: Stat Unî | ||
The Hitcher - La lunga strada della paura (ʼL auto-stupìsta - La strada lunga dla paùra) 'l è 'n thriller dal 1986 ad Robert Harmon scrit p'r Eric Red. La pelìcula la gh'à abû 'n séguit in dal 2003 da 'l tìtul The Hitcher II - Ti stavo aspettando... mént'r in dal 2007 al 'n è stâ fat 'n arfacimènt dirèt par Dave Meyers, The Hitcher.
Custâ sèt migliòṅ e òt ad dòlar, al film al 'n à pò muciâ sù sinc e òt, dvintànd in tut al manéri un film cult.
Sunt
Méntar 'l è drē a 'ndàr da Chicago a San Diego, al śōvan Jim Halsey (C. Thomas Howell) al s férma su 'l stradi dal Tèxas par dar un pasàǵ a 'n furastēr ch'al diś ad ciamàr-as John Ryder (Rutger Hauer). Muntâ sù in màchina, chi lò al fà védar 'd ès'r un psicupàtig patintâ tirànd fóra un curtlèṅ e puntànd-'l a la góla dal ragàs. Jim al gh la cava a casàr-al fóra da la purtéra méntar la sò Cadillac Seville dal '75 l'è in cursa.
Soquànti óri dòp Jim 'l incróśa na station wagon dna famìja ch'l iva dâ 'n pasàǵ a 'l auto-stupìsta e che dòp chi lò 'l à fat fóra. Al manìac adès al gh 'l à sèg e al vōl vindicàr-'s ad lò. Jim al próa a scapa via par salvàr-as, purtànd-as sèg na camaréra 'd un risturànt lung la strada statàla, la Nash (Jennifer Jason Leigh).
Purtròp par Jim anc la pulisìa la gh dà la casa, cardénd śbaliànd ch'al sasèṅ al sia lò.