The Darkling - Il lato oscuro dell'anima
|
C'l artìcul chè 'l è scrit in
Miranduléś |
 The Darkling
| ||
| The Darkling - Il lato oscuro dell'anima | ||
 Murray Abraham e Gillen in na figùra dal film | ||
| In dal scûr - La banda scura dl'anma 2000 | ||
|---|---|---|
| Regìa: Po-Chih Leong | ||
| Scritōr: Preston Sturges Jr. • Dario Scardapane | ||
| Atōr: F. Murray Abraham • Skye McCole Bartusiak Aidan Gillen • Lisa Linde • Ron Frederickson Todd Bridges • Andres Orozco • Frank Gerrish Nina Siemaszko • Doug Jones • Shelly Kurtz | ||
| Müsica: Frankie Blue | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
The Darkling - Il lato oscuro dell'anima (In dal scûr - La banda scura dl'anma) 'l è 'n film ad scarésa girâ par la televiśiòṅ dal 2000 ad Po-Chih Leong.
'L è stâ girâ a Salt Lake City.
Sunt
Jeff Obold (Aidan Gillen) al fà 'l cōg in un risturànt ma na vòlta al fava 'l mecànig avénd lò na pasiòṅ p'r al màchini, specialmènt par qvéli spurtìvi e dna vòlta. Da pìcul al stava in Luiśiàna ma adès al s 'n è andâ cun sò mujér, la Marla (Nina Siemaszko), e cun sò fiōla pìcula, la Casey (Skye McCole Bartusiak).
Un dè al cgnós un migliardàri, Bruno Rubin (F. Murray Abraham), ch'al gh'à la sò stésa pasiòṅ e ch'al vrév ch'al tachìs a lauràr sèg parchè al gh'à na vècia Dino Ferrari śala dal 1969, catàda in di fèrvèć, da giustàr. La màchina l'è cumpàgna a qvéla druàda da 'l pilòta Buscarro in dla gara in du 'l è mòrt bruśâ e Bruno al vōl che Jeff al cambìs al nùm'r ad série par véndar-la cuma uriginàla par soquànt migliòṅ ad dòlar. Al cōg, ch'l à péna pardû sò mujér in 'n incidènt, 'l è custrét a dir-'g ad sè parchè al gh'à biśógn ad bèsi. Al segrét dal sucès ad Bruno 'l è na criatùra a fórma 'd putèṅ ciamàda Darkling che lò al tîṅ saràda dènt'r a na gàbia p'r uślèṅ.
A l'asta al cōg al dascór cun la futógrafa Charlotte Avenel (Lisa Linde), pò al scapa via quànd al véd ch'i èṅ drē a vénd'r anc la màchina ch'al gh'iva dâ in prèst Bruno e in du l'iva catâ la mòrt la Marla. In cal méntar al Darkling al s fiàca 'd Bruno e al decìd ad cupàr-al cun na cróś insfilsàda a 'l cōr ad òpra dal sò stési maṅ. A 'l sò pòst al tōś cuma “cumpàgn” pròpria Jeff.