The Cell - La cellula
|
C'l artìcul chè 'l è scrit in
Miranduléś |
 The Cell | ||
| The Cell - La cellula | ||
 La Jennifer Lopez in na figùra dal film | ||
| The Cell - La cèlula 2000 | ||
|---|---|---|
| Regìa: Tarsem Singh | ||
| Scritōr: Mark Protosevich | ||
| Atōr: Jennifer Lopez • Marianne Jean-Baptiste Vincent D'Onofrio • Vince Vaughn • Jake Weber Patrick Bauchau • Gerry Becker • Tara Subkoff Musetta Vander • Dylan Baker • Peter Sarsgaard | ||
| Müsica: Howard Shore | ||
| Léngua: Ingléś | ||
| Dürä dal film: 107 minüt | ||
| Nasiōṅ: Stat Unî • Germàgna | ||
The Cell - La cellula (The Cell - La cèlula) 'l è 'n film ad scarésa americàṅ e tedésc dal 2000 ad Tarsem Singh, candidâ a i Prèmi Òscar p'r al truc.
La pelìcula, giràda in Califòrgna e in Namìbia, l'à frutâ a i prudutōr da piò ad sènt migliòṅ ad dòlar dòp ès'r-an custâ trénta-tri.
Sunt
[mudéfica la surzéia]La Catherine Deane (Jennifer Lopez) l'è na psicòluga par putèṅ ch'la gh'à in cura 'n baghét ciamâ Edward Baines (Colton James) ch'l è in còma. Tintànd ad daśdàr-al, la dóna la próa a cuciàr-'s in dla sò mènt druànd na tècnica mudèrna ch'la mét in culegamènt i pinsēr.
In cal méntar 'n àtar sugèt 'l è finî in còma, un masadōr seriàl ch'ad nóm al fà Carl Stargher (Vincent D'Onofrio) e ch'al masa 'l sò vitmi piàn piàṅ faghénd-li andgàr, in cèli preparàdi da lò, par pò druàr-li par far sès. 'L agìnt d'l FBI ch'al 'l à ciapâ, Peter Novak (Vince Vaughn), al sà che 'l manìac 'l à rapî na śōvna ciamàda Julia Hickson (Tara Subkfoff) ch'la prév ès'r incóra in vita da na quàlc banda.
Par tintàr ad salvàr-la, Peter al dmanda a la Catherine ad pruàr ad druàr la sò tècnica su Carl.