Testimone nudo
|
C'l artìcul chè 'l è scrit in
Miranduléś |
 Bare Witness
| ||
| Testimone nudo | ||
 Daniel Baldwin in na figùra dal film | ||
| Testimòṅ nûd 2002 | ||
|---|---|---|
| Regìa: Kelley Cauthen | ||
| Scritōr: Anthony L. Greene • Evan Spiliotopoulos | ||
| Atōr: Angie Everhart • Daniel Baldwin • Ed Bernard Catalina Larranaga • Mark Sivertsen • Willie Gault Kathleen Kinmont • Laura Rogers • Robert McRay | ||
| Müsica: Michael Vista | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Testimone nudo (Testimòṅ nûd) 'l è 'n thriller eròtic dal 2002 ad Kelley Cauthen girâ diretamènt p'r al marcâ d'l home video.
'L è stâ girâ a Los Angeles c'n un budget stimâ 'd un migliòṅ ad dòlar.
Sunt
Dòp ès'r-as gusâ n'atōra 'd film pòran e putàna par bèsi, la Julie Spencer (Catalina Larranaga), al killer a pagamènt Gav Reed (Mark Sivertsen) al partìs p'r andàr a masàr durànt na fèsta in cà sua la pulìtiga Mary Washington (Angela Sargeant), ch'la vōl dvintàr sìndaga a 'l pòst ad Charles Garland (Michael Canavan), ma al falìs al cōlp parchè al culpìs òṅ ch'a gh'éra lè darènt, Frank Constantine (Don Short). Al sasèṅ al gh la cava listés a scapàr via in mèś a 'l caśèṅ e 'l detective Killian (Daniel Baldwin) al n pōl far gnint.
Turnàda in dal sò apartamènt ch'la divìd cun n'atra malnéta sò para, la Carly Marsh (Angie Everhart), la Julie la decìd ad dar 'n òć a la sò gusàda ch'l'iva tirâ śò cun na telecàmera, qvàl lè 'l è 'l sò visi. In cal méntar Gav al và a catàr al sò mandànt, Ian Hunter (Evan MacKenzie), par dir-ag ch'i èṅ in dla mèrda parchè cla rója ch'al s éra fat l'iva registrâ incòsa, anc i dascōrs in du i s mitìvan 'd acòrd par far fóra la Mary. Ian al diś ch'a gh pènsa lò ma pò 'l órdna a la Marina (Lauren Reina), la sò amànta, ad sparàr-ag.
La Julie, ch'la lavóra insém a la Carly p'r un regìsta budlòṅ ad film spurcaciòṅ ad nóm Max Reuter dit “Slim” (Joe Costanza), la vîṅ cupàda dòp avér dit ch'la gh'à la caséta vìddeo in cà sua e 'l sò còrp al finìs in dla masa 'd Hollywood. Killian, cumpagnâ p'r al sò jutànt Greg Dalton (Willie Gault), al và a far dal dmandi a la Carly, al càś 'l è suo. La Marina la và a pascàr la caséta ma la n cata gnint, pò la masa Slim. Da 'l cant suo Killian al śibìs a la Carly ad pasàr la nòt da lò par prutèśar-la ma pò a gh finìs a lèt.