Test (film)
|
C'l artìcul chè 'l è scrit in
Miranduléś |
 Test
| ||
| Test | ||
.png) La Wells e Matthew Risch in na figùra dal film | ||
| Tèst 2013 | ||
|---|---|---|
| Regìa: Chris Mason Johnson | ||
| Scritōr: Chris Mason Johnson | ||
| Atōr: Scott Marlowe • Matthew Risch • Evan Boomer Kristoffer Cusick • Kevin Clarke • Katherine Wells Damon K. Sperber • Myles Thatcher • Andre Mathieu | ||
| Müsica: Ceiri Torjussen | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî | ||
Test (Tèst) l è 'n film dramàtic dal 2013 ad Chris Mason Johnson ch'al 'l à anc scrit. 'L è stâ preśentâ a 'l 64śum Fèstival ad Berlîṅ.
In dla culòna sunóra dal film i s càtan dal canti famóśi in di an Utànta cuma “Born, Never Asked” dla Laurie Anderson, “Lorelei” di Cocteau Twins, “Anvil (Night Club School)” di Visage, “Smalltown Boy” di Bronski Beat e “You Make Me Feel (Mighty Real)” ad Sylvester.
Sunt
Frankie (Scott Marlowe) 'l è 'n śōvan balarèṅ ch'al divìd 'n apartamènt a San Francisco cun Tyler (Evan Boomer), un ragàs ch'al gh'à la muróśa, la Tammy. In dal 1985 al taca a lavuràr par na cumpagnìa ad balét mudèran, al McManus Ballet. Al cgnós acsè Todd (Matthew Risch), la Molly (Katherine Wells), Tommy (Rory Hohenstein), Sergio (Sergio Benvindo) e àtar ragàs e ragàsi faghénd di spetàcui sèg.
Al fà al sò debùt a teàtar na sira tulénd al pòst ad Sergio ch'al gh'iva mâł a la schina e 'l è 'n sucès. Par cumbàtar dla stufìśia ch'al gh'à adòs al s fà però dar da 'l dutōr Corbett (Damon K. Sperber) dal madśìni alśēri 'd Valium. Dòp avér fat sès cun Walt (Kristoffer Cusick) al decìd ad far al tèst d'l AIDS, un vìrus nóṿ ch'l éra vgnû fóra da pôc e ch'l iva tacàr a masàr dimóndi parsòni cuma 'l atōr Rock Hudson. Purtròp par lò al s 'l è bcâ ma a gh'è 'n śbali: faghénd al tèst incóra a salta fóra ch'invéci lò 'l è a pòst, dal vòlti a sucéd.