Tarabaciòṅ
|
C'l artìcul chè 'l è scrit in
Miranduléś |
Al tarabaciòṅ 'l è 'n mancamènt impruvìś e tranśitòri ch'al fà pèrdar la cusînsa p'r un pôc, in gènar cauśâ da di prubléma 'd presiòṅ dal sànguv a 'l sarvèl. La parsòna ch'la patìs un tarabaciòṅ la s sènt fiàpa, sénsa fòrsi, la védi dal stéli in di òć e la n è minga bòna 'd armàgn'r in pē.
Dal vòlti al tarabaciòṅ 'l è la cunseguénsa 'd un stat emusiunàł pîṅ a martlét, da spés par via dla paùra, dal terōr o da 'n dulōr tròp grand. Un quèl dal gènar a sucéd anc a 'l bèsti in dua a s pōl impisàr al mecanìśum dla finta mòrt par prutéś'r-as da i predadōr.