Tampa
|
C'l artìcul chè 'l è scrit in
Miranduléś |
Tampa (a s lèś /ˈtæmpə/ in Ingléś) l'è na sità di Stat Unî ad quatarsènt-mila abitànt a 'l incìrca ch'la s cata in dal stat dla Flòrida, in dla cuntèa 'd Hillsborough.
.jpg)
L'è puśisiunàda su 'l gōlf dal Mèsic, in dl'àrea metrupulitàna 'd quàtar migliòṅ ad cristiàṅ dla Tampa Bay Area. La gh'à na superfìsi 'd 453,9 km², al 35,3% quaciàdi 'd àqua.
Al sò clima 'l è sub-trupicàł cun dal timpistàdi e di uragàṅ in Istâ e dal temperadùri màsimi ch'i vànan da i 18 a i 35 °C. Par la sò ecunumìa i èṅ dimóndi impurtànt al turìśum e 'l sò pòrt, al più grand dal stat.
Tampa l'è famóśa p'r i sò grup heavy metal dal gènar Death metal cuma Deicide, Six Feet Under, Obituary, Death e Morbid Angel. Anc gl'Iced Earth e gl'Underoath i èṅ nâ chè.
La sò sìndica, da 'l 2019, l'è la demucràtica Jane Castor (èx GOP).
Persunàǵ ligâ a Tampa
- T.D. Allman, giurnalìsta e scritōr
- Aric Almirola, pilòta dla Nascar
- Santo Trafficante Jr., mafióś