Talk Radio (film)
|
C'l artìcul chè 'l è scrit in
Miranduléś |
 Talk Radio | ||
.png) Eric Bogosian in na figùra dal film | ||
| id. 1988 | ||
|---|---|---|
| Regìa: Oliver Stone | ||
| Scritōr: Stephen Singular • Tad Savinar Eric Bogosian • Oliver Stone | ||
| Atōr: Eric Bogosian • Ellen Greene • Leslie Hope John C. McGinley • Alec Baldwin • John Pankow Michael Wincott • Robert Trebor • Zach Grenier | ||
| Müsica: Stewart Copeland | ||
| Léngua: Ingléś | ||
| Dürä dal film: 110 minüt | ||
| Nasiōṅ: Stat Unî | ||
Talk Radio (id.) 'l è 'n film dramàtic dal 1988 'd Oliver Stone, ispirâ a 'l masamènt dal cundutōr radiufònig Alan Berg. Al prutagunìsta e senegiadōr Eric Bogosian 'l à vins 'n Ōrs 'd Argìnt a 'l 39śum Fèstival 'd Berlîṅ.
La pelìcula l'à muciâ sù dagnóra quàtar migliòṅ ad dòlar in tut al mónd andànd praticamènt in para.
Sunt
[mudéfica la surzéia]Barry Champlain (Eric Bogosian) 'l è 'n śōvan ch'al vénd di vistî a Dàllas. Un dè in negòsi a s preśénta 'n sèrt Jeffrey Fisher (Robert Trebor) ch'al gh'à 'n prugràma a la ràddio ciamâ “Vōś dla sità”. Chi lò al gh śibìs ad tōr part a la sò traśmisiòṅ par la puntàda a vgnir. Barry al gh astà e 'l fà na bèla figùra par via dla sò simpatìa, dla sò batùda prònta e dal fat ch'al sà sèmpar cuśa dir cun la sò vōś parfèta p'r i dascōrs radiufònig.
Al diretōr dla stasiòṅ, Dan (Alec Baldwin), al naśa subìt ch'al gh sà far e 'l al tōś a lauràr sèg, dand-ag la traśmisiòṅ. In pôc tèmp Barry al cunquìsta 'l pùblic texàṅ, al sucès al riva a la granda ma purtròp a và in criśi la relasiòṅ cun sò mujēr Ellen (Ellen Greene). I dū i divòrsian.
Barry al càmbia regìst'r anc a 'l sò prugràma, dand spasi a barbòṅ, daśgrasiâ e mitòman, e 'l taca a far di predicòs e di dascōrs da spés pruvucatòri e ch'i daṅ fastìdi a soquànti parsòni dal sò pùblic, specialmènt a di grup neo-naśìsta ch'i n védan minga bèṅ al fat che lò, èbrej fra 'l àtar, al dia 'l sò apòǵ a 'l minurànsi, a i négar e a i gay. Al grup al taca a far-ag di spauràs, mandànd-'g anc un sórag mòrt par pòsta e pò dal létri 'd avertimènt.