Tèranóva e Làbrador
|
C'l artìcul chè 'l è scrit in
Miranduléś |
Tèranóva e Làbrador (Newfoundland and Labrador in ingléś, a s lèś [n(j)uːfən(d)ˈlænd‿ænd ˈlæbɹədɔɹ]) l'è na pruìnsa dal Cànada ch'la s cata in dal nòrd-èst dal paéś, su 'l Ucéan Atlàntic.
La mét insém la regiòṅ dal Làbrador e 'l ìśula ad Tèranóva, catàda par la prima vòlta in dal 1497 par 'l espluradōr Giovanni Caboto dòp ch'i gh'éran bèla stâ i vichìng.
La fà part dla cunfederasiòṅ da 'l 1949, dòp ès'r-as dastacàda da 'l impēr britànic, tant ch'i sò abitànt i aṅ fat la Prima guèra mundiàla insém a 'l Régn Unî. Al sò mòt in latìn 'l è „Quaerite primum regnum Dei“ (Cuma prim quèl pésca 'l régn ad Dio).
L'è granda 405.212 km² e la mùcia sù sincsènt-sinquantamìla abitànt a 'l incìrca, dagnóra tut (94%) su l'ìśula 'd Tèranóva, in du a gh'è 'l caplōg Saint John's, e su qvéli più pìculi lè darènt (ch'i èṅ sèt-mila). Al Làbrador al cunfìna a sud-òvest c'n al Quebec.
La sò ecunumìa la pōl cuntàr su la pésca e su l'indùstria di minerài (specialmènt al fèr), dal légn e dal petròli (offshore). I diśucupâ i pàsan però al 15%.
.svg){kind=small}