Sydne Rome

C'l artìcul chè 'l è scrit in Miranduléś

La Sydne Rome (Akron, 17 ad Mars dal 1951) l'è n'atōra, showgirl e cantànta americàna naturaliàda itagliàna.

L'à fat al sò debùt a 'l cìnema in dal 1969 cun la cumèdia 'd asiòṅ britànica Alcune ragazze lo fanno. In di an Stanta la vîṅ a star in Itàglia in dua la gira 'n squantèr'n ad film, tacànd da 'l wester cun Giuliano Gemma Vivi o preferibilmente morti e pò cuntinuànd c'n al fantasientìfig La ragazza di latta e c'n al drama Ciao Gulliver, a fiànc dla Lucia Bosè.

In dal 1972 la vîṅ sarnìda da 'l regìsta Roman Polański e da 'l prudutōr Carlo Ponti par far la part dla turìsta americàna Nancy in na cumèdia ambintàda a Amàlfi da 'l tìtul Che?, in còpia Marcello Mastroianni. In séguit a l'ém vista in dla cumèdia 'd Pasquale Festa Campanile La sculacciata (1974), in d'l aventuróś La testa del serpente (1974), in còpia cun Helmut Berger, in dal śal L'assassino è costretto ad uccidere ancora (1975), cun George Hilton e la Femi Benussi, in dal thriller Baby Sitter - Un maledetto pasticcio (1975), ùltim lavōr p'r al regìsta René Clément, e in dla cumèdia Toccarlo... porta fortuna (1975), cun Roger Moore, la Shelley Winters, Jean-Pierre Cassel e Raf Vallone.

In dal 1976 l'à recitâ in dla cumèdia purcùsa a epiśòdi 40 gradi all'ombra del lenzuolo, insém a l'Edwige Fenech e a la Barbara Bouchet, e in dla cumèdia 'd Claude Chabrol Pazzi borghesi, cun Bruce Dern e la Stéphane Audran. La finìs i an Stanta tulénd part a Il mostro (1977), thriller cun prutagunìsta Johnny Dorelli, e a 'l drama Gigolò (1978), incruśànd David Bowie, la Marlene Dietrich, la Kim Novak e David Hemmings ch'l à fat anc al regìsta.

La cuntìnua a recitàr anc in di an Utànta, perìud in dua la taca a lauràr dimóndi in televiśiòṅ, cuma in di prugràma A tutto gag, Quo vadiz? e Grand Hotel, o da cantànta. In di an Nuànta e Dumìla l'à girâ dimóndi fiction cuma Uno di noi, Padre Pio - Tra cielo e terra, Don Matteo e Soraya, par pò turnàr a 'l cìnema laurànd dimóndi c'n al regìsta Pupi Avati (in di film Il nascondiglio, Il figlio più piccolo, Il cuore grande delle ragazze e La quattordicesima domenica del tempo ordinario). Fra i sà ùltim lavōr a 'rcurdém anc la cumèdia grutésca The Palace (2023), film prudót par Luca Barbareschi cun la Fanny Ardant e Mickey Rourke.

Filmugrafìa

1969 - Alcune ragazze lo fanno (Some Girls Do), regìa ad Ralph Thomas
1969 - Vivi o preferibilmente morti, regìa ad Duccio Tessari
1970 - La ragazza di latta, regìa ad Marcello Aliprandi
1970 - Ciao Gulliver, regìa ad Carlo Tuzii
1972 - Così sia, regìa 'd Alfio Caltabiano
1972 - Che?, regìa ad Roman Polański
1972 - Le ultime ore di una vergine, regìa ad Gianfranco Piccioli
1973 - Il girotondo dell'amore, regìa 'd Otto Schenk
1973 - Mamma mia è arrivato così sia, regìa 'd Alfio Caltabiano
1974 - La sculacciata, regìa ad Pasquale Festa Campanile
1974 - L'arrivista, regìa ad Pierre Granier-Deferre
1975 - L'assassino è costretto ad uccidere ancora, regìa ad Luigi Cozzi
1975 - La testa del serpente, regìa ad José Gutiérrez Maesso
1975 - Il pericolo è il mio mestiere, regìa ad Claude Makovski
1975 - Baby Sitter - Un maledetto pasticcio, regìa ad René Clément
1975 - Toccarlo... porta fortuna, regìa ad Christopher Miles
1976 - L'eroe, regìa ad Manuel De Sica - Film TV
1976 - Umarmungen und andere Sachen, regìa ad Jochen Richter
1976 - 40 gradi all'ombra del lenzuolo, regìa ad Sergio Martino
1976 - Pazzi borghesi, regìa ad Claude Chabrol
1977 - Il mostro, regìa ad Luigi Zampa
1977 - Moi, fleur bleue, regìa 'd Éric Le Hung
1978 - Gigolò (Schöner Gigolo, armer Gigolo), regìa ad David Hemmings
1978 - Formula 1 La febbre della velocità, regìa ad Mario Morra
1980 - L'uomo puma, regìa 'd Alberto De Martino
1980 - La moglie dell'amico è sempre più... buona, regìa ad Juan Bosch
1981 - Looping - Der lange Traum vom kurzen Glück, regìa ad Walter Bockmayer e 'd Rolf Bührmann
1982 - L'inceneritore, regìa ad Pier Francesco Boscaro dagli Ambrosi
1982 - Messico in fiamme, regìa ad Sergej Bondarčuk
1983 - Arrivano i miei, regìa ad Nini Salerno
1983 - I dieci giorni che sconvolsero il mondo, regìa ad Sergj Bondarčuk
1986 - Romanza final (Gayarre), regìa ad José María Forqué
1988 - Another Way: D-Kikan-Joho, regìa ad Kōsaku Yamashita
1990 - Il colore della vittoria, regìa ad Vittorio De Sisti - Film TV
1994 - Tödliches Netz, regìa dla Vivian Naefe - Film TV
1994 - In the Heat of the Night: Who Was Geli Bendl?, regìa ad Larry Hagman - Film TV
1996 - Beckmann und Markowski - Im Zwiespalt der Gefühle, regìa ad Kai Wessel - Film TV
1999 - Tierra de cañones, regìa 'd Antoni Ribas
2007 - Il nascondiglio, regìa ad Pupi Avati
2010 - Il figlio più piccolo, regìa ad Pupi Avati
2011 - Il cuore grande delle ragazze, regìa ad Pupi Avati
2015 - Poli opposti, regìa ad Max Croci
2023 - La quattordicesima domenica del tempo ordinario, regìa ad Pupi Avati
2023 - The Palace, regìa ad Roman Polański
2024 - The Big Mother, regìa 'd Antonello Altamura

Discugrafìa

Àlbum

1980 - Sydne Rome
1983 - Aerobic - Ginnastica a tempo di musica

EP

1980 - Aerobic Fitness Dancing
1986 - Sydne Rome

Sìngui

1976 - La fin du film/Dans mon corazon
1980 - For You/Milky Way
1981 - Wozu/Coming Back
1981 - Angelo prepotente/Barefoot Blue
1984 - Io amo l'amore/California Dreamin

Culegamènt estéran

(IT) Filmugrafìa in s'l IMDb