Sugababes

C'l artìcul chè 'l è scrit in Miranduléś

«

I was taken by the early conversation piece and I really like the way that he respects me, I've been waiting patiently for him to come and get it, I wonder if he knows that he can say it and I'm with it, I knew I had my mind made up from the very beginning, catch this opportunity so you and me could feel it 'cause if you're ready for me boy, you'd better push the button and let me know before I get the wrong idea and go, you're gonna miss the freak that I control.»

(EN)(Push the Button, 2005)

«

A m à culpî la prima part dla discusiòṅ e a m piàś dabòṅ la manéra ch'al m pòrta rispèt, pasientànd a-j-ò spetâ ch'al s dis na mòsa, a m admànd s'al sava ch'al prév far-'s avànti che mè a gh stag, a 'l saìva fiṅ da 'l subìt ch'la mè deciśiòṅ l'éra qvéla, ciàpa cl'ucaśiòṅ chè acsè mè e tè a psém vìvar-la parchè s'at sē prònt par mè ragàs, a sarév méj ch'at schisìs al butòṅ e far-'m-al savēr prima ch'a m faga n'idéa śbaliàda e ch'a vaga via, al móstar ch'a cuntròl al t mancarà.»

(MUD)

Al Sugababes i èṅ un grup pop e R&B britànic ad tré dóni nâ in dal 1998 par maṅ dal manager di All Saints Ron Tom. La furmasiòṅ uriginàla, ch'l'è anc qvéla 'd adès, la mitìva insém la Siobhán Donaghy, la Mutya Buena e la Keisha Buchanan. In séguit i aṅ fat part dal grup atri tré cantànti, in fiṅ a 'l 2011, l'Heidi Range (èx Atomic Kitten), l'Amelle Berrabah e la Jade Ewen.

Al grup 'l à fat vgnir fóra sèt àlbum in studi e vint-i-òt sìngui, tut publicâ par la cà discugràfica Island Records a part al prim disc One Touch e i sò sìngui ch'i èṅ stâ fat cun l'etichéta London Records. I aṅ catâ 'l sucès in di an Dumìla quànd i èṅ stadi bòni ad piasàr siē dal sò canti a 'l prim pòst dla clasìfica britànica: Freak like Me (2002), Round Round (2002), Hole in the Head (2003), Push the Button (2005), Walk This Way (2007, cover di Aerosmith) e About You Now (2007). In tut i èṅ stâ daśdòt i sò pès finî in di prim déś pòst.

Dascurénd di sò àlbum, i sò disc più famóś, tut multiplàtin, i èṅ Taller in More Ways (2005) e Change (2007), tut dū nùmar òṅ in dal Régn Unî, e Angels with Dirty Faces (2002) ch'invéci al s è piasâ a 'l secónd pòst.

Da 'l 2011 a 'l 2019 al tré mémbi fundadōri, ch'i n fàvan più part dla furmasiòṅ, i s èṅ misi incóra insém druànd al nóm Mutya Keisha Siobhan tacànd na batàja in tribunàl par psēr druàr incóra 'l nóm Sugababes, vinsénd la càuśa in dal 2019.

In dal cōrs dla sò caréra, i caprìs e 'l lòti intèrni fóra da la luś di rifletōr fra 'l cumpunènti dal grup i èṅ finìdi da spés su 'l paśni dla stampa barghéra britànica, cun dal vōś ch'i dgìvan che la Keisha Buchanan e la Mutya Buena i tratìsan mâł l'Heidi Range.

Discugrafìa

Àlbum

2000 – One Touch
2002 – Angels with Dirty Faces
2003 – Three
2005 – Taller in More Ways
2007 – Change
2008 – Catfights and Spotlights
2010 – Sweet 7
2022 – The Lost Tapes

Racòlti

2006 – Overloaded: The Singles Collection
2011 – The Best of the Bs
2019 – Essential

da 'l Viṿ

2006 – Overloaded: The Live Collection

Culegamènt estéran

Wikiquote contiene citazioni di o su Sugababes
Wikimedia Commons contiene file multimediali su Sugababes