Steven Spielberg

C'l artìcul chè 'l è scrit in Miranduléś

Steven Allan Spielberg (Cincinnati, 18 ad Dicémbar dal 1946, a s lèś [ˈstivən ˈspiːlbɜːrɡ] in ingléś) 'l è 'n regista, senegiadōr e prudutōr americàṅ, vinsidōr ad tri Prèmi Òscar, dū par Schindler's List (film e regìa) e òṅ par Salvate il soldato Ryan (regìa), ólt'r a dimóndi atri candidaùri.

Espunènt dal muimènt nâ in di an Ssanta cgnusû cuma „Hollywood Nóva“, Spielberg 'l è carsû a Phoenix prima 'd andàr a star in Califòrgna par studiàr cìnema a scōla e pò tacàr na caréra ch'la 'l à purtâ a èsar òṅ di regìsta più grand a 'l mónd. Al gh'à na stéla in dla Hollywood Walk of Fame e la Mdaja presidensiàla dla Libertà ch'i gh'ànan dâ in dal 2015.

I sò film i èṅ qvéi ch'i aṅ muciâ sù da più ad tut e i dascóran da spés 'd argumènt ch'i gh staṅ dimóndi a cōr cuma 'l rasìśum, la Shoah e la discriminasiòṅ. 'L à anc laurâ par la televiśiòṅ girànd di epiśòdi p'r i telefìlm Colombo, Storie incredibili e Reporter alla ribalta.

Da prudutōr 'l à dâ vita a di film ad sucès cuma Gremlins e Gremlins 2 - La nuova stirpe ad Joe Dante, Ritorno al futuro e Chi ha incastrato Roger Rabbit ad Robert Zemeckis, Aracnofobia ad Frank Marshall, Cape Fear - Il promontorio della paura ad Martin Scorsese, Casper ad Brad Silberling, Man in Black ad Barry Sonnenfeld, La maschera di Zorro ad Martin Campbell, Haunting - Presenze ad Jan de Bont, Flags of Our Fathers ad Clint Eastwood e Transformers ad Michael Bay.

Cuma senegiadōr 'l à scrit Poltergeist - Demoniache presenze ad Tobe Hooper e fat al sugèt 'd I Goonies ad Richard Donner.

Al gh'iva da giràr anc di àtar film, pò andâ a di regìsta difarènt, cuma Superman, Cruising, Rain Man - L'uomo della pioggia, The Truman Show, Ti presento i miei e Harry Potter e la pietra filosofale.

In dal sò òpri a s véd tut al sò lavōr in dla custrusiòṅ sòlida di persunàǵ e dal stòri e la manéra druàda par réndar gl'emusiòṅ.

'L è stâ spuśâ cun l'atōra Amy Irving ch'la gh'à dâ un fiōl na in dal 1985, Max Samuel. C'n al divòrsi la dóna l'à purtâ a cà sènt migliòṅ ad dòlar par 'n acòrd prematrimuniàł scrit su 'n tṿajōł. Da 'l 1991 'l è spuśâ cun l'atōra Kate Capshaw, insém i gh'àṅ sinc fiōi (dū adutâ).

Steven 'l à tgnû a batéś dū atōri, la Drew Barrymore e la Gwyneth Paltrow.

Filmugrafìa

cuma regìsta

1964 - Firelight
1971 - Duel
1974 - Sugarland Express (The Sugarland Express)
1975 - Lo squalo (Jaws)
1977 - Incontri ravvicinati del terzo tipo (Close Encounters of the Third Kind)
1979 - 1941 - Allarme a Hollywood (1941)
1981 - I predatori dell'arca perduta (Raiders of the Lost Ark)
1982 - E.T. l'extra-terrestre (E.T. the Extra-Terrestrial)
1983 - Ai confini della realtà (Twilight Zone: The Movie) - epiśòdi Kick the Can
1984 - Indiana Jones e il tempio maledetto (Indiana Jones and the Temple of Doom)
1985 - Il colore viola (The Color Purple)
1987 - L'impero del sole (Empire of the Sun)
1989 - Indiana Jones e l'ultima crociata (Indiana Jones and the Last Crusade)
1989 - Always - Per sempre (Always)
1991 - Hook - Capitan Uncino (Hook)
1993 - Jurassic Park
1993 - Schindler's List - La lista di Schindler (Schindler's List)
1997 - Il mondo perduto - Jurassic Park (The Lost World: Jurassic Park)
1997 - Amistad
1998 - Salvate il soldato Ryan (Saving Private Ryan)
2001 - A.I. - Intelligenza artificiale (A.I. Artificial Intelligence)
2002 - Minority Report
2002 - Prova a prendermi (Catch Me If You Can)
2004 - The Terminal
2005 - La guerra dei mondi (War of the Worlds)
2005 - Munich
2008 - Indiana Jones e il regno del teschio di cristallo (Indiana Jones and the Kingdom of the Crystal Skull)
2011 - Le avventure di Tintin - Il segreto dell'Unicorno (The Adventures of Tintin)
2011 - War Horse
2012 - Lincoln
2015 - Il ponte delle spie (Bridge of Spies)
2016 - Il GGG - Il grande gigante gentile (The BFG)
2017 - The Post
2018 - Ready Player One
2021 - West Side Story
2022 - The Fabelmans

cuma atōr

1975 - Lo squalo (Jaws), regìa ad Steven Spielberg vōś
1980 - The Blues Brothers - I fratelli Blues (The Blues Brothers), regìa ad John Landis
1984 - Indiana Jones e il tempio maledetto (Indiana Jones and the Temple of Doom), regìa ad Steven Spielberg
1984 - Gremlins, regìa ad Joe Dante
1990 - Gremlins 2 - La nuova stirpe, regìa ad Joe Dante
1997 - Men in Black, regìa ad Barry Sonnenfeld
1997 - Il mondo perduto - Jurassic Park (The Lost World: Jurassic Park), regìa ad Steven Spielberg
2001 - Vanilla Sky, regìa ad Cameron Crowe
2002 - Austin Powers in Goldmember, regìa ad Jay Roach
2011 - Paul, regìa ad Greg Mottola vōś
2022 - Sergio Leone - L'italiano che inventò l'America, regìa ad Francesco Zippel

Culegamènt estéran

Àtar prugèt

Wikiquote contiene citazioni di o su Steven Spielberg
Wikimedia Commons contiene file multimediali su Steven Spielberg