Steve McQueen

C'l artìcul chè 'l è scrit in Miranduléś

«

Chè a n gh'è ninsòṅ a part nuàtar móstar.»

(Na sò batùda in dal film “Masa - Ladèṅ murtàł” dal 1958)

Terence Stephen McQueen, cgnusû méj cuma Steve McQueen (Beech Grove, 24 ad Mars dal 1930 - Ciudad Juárez, 7 ad Nuvémbar dal 1980, a s lèś [ˈstiːv məˈkwiːn] in ingléś), 'l è stâ 'n atōr americàṅ, candidâ a 'l Prèmi Òscar dal 1967 p'r al film ad guèra Quelli della San Pablo. Al gh'à na stéla in dla Hollywood Walk of Fame.

Atōr carsû a 'l Actors Studio ad New York, 'l éra famóś p'r al sò caràt'r arvèrs e par la sò manéra spericulàda 'd vìvar da anti-eróe, cuma da spés mustrâ anc in di sò persunàǵ, sìmbul insém a Clint Eastwood dal cìnema 'd asiòṅ mudèran. Al gh l'à sèmpar cavàda a far dal parti impurtànti e a ciapàr di cumpèns élt. Al gh'iva na pasiòṅ p'r al cursi in màchina, ch'l à anc fat in dla sò vita a 'l inìsi di an Stanta, e na culesiòṅ ad màchini spurtìvi cuma dal Ferrari, dal Porsche e anc na Mercedes.

Fra i sò film più impurtànt a 'rcurdém Blob - Fluido mortale, pelìcula ad scarésa dal 1958, Quelli della San Pablo fat insém a Richard Attenborough, al film 'd asiòṅ La grande fuga (1963), cun Charles Bronson e Donald Pleasence, i pulisiésc Bullitt e Il caso Thomas Crown (1968), al thriller 'd asiòṅ Getaway!, al dràma ambintâ in na parśòṅ Papillon (1973), recitâ insém a Dustin Hoffman, e 'l catastròfic L'inferno di cristallo, filmòṅ cun Paul Newman, William Holden, la Faye Dunaway, Fred Astaire e Richard Chamberlain.

Da 'l 1955 a 'l 1961 'l à girâ soquànt telefìlm cuma Alfred Hitchcock presenta e Ricercato vivo o morto par 94 epiśòdi in du lò al fava la part dal prutagunìsta Josh Randall.

'L è mòrt śōvan in Mèsic a sinquànt'an par dū infàrt cuinsecutìṿ, lò ch'l éra malâ 'd un cànc'r a i palmòṅ cauśâ da espuśisiòṅ a 'l amiànt.

Filmugrafìa

1953 - Girl on the Run, regìa 'd Arthur J. Beckhard e 'd Joseph Lee
1956 - Lassù qualcuno mi ama (Somebody Up There Likes Me), regìa ad Robert Wise
1958 - Autopsia di un gangster (Never Love a Stranger), regìa ad Robert Stevens
1958 - Fluido mortale (The Blob), regìa ad Irvin S. Yeaworth Jr.
1959 - Gli occhi del testimone (The Great St. Louis Bank Robbery), regìa ad Charles Guggenheim e 'd John Stix
1959 - Sacro e profano (Never So Few), regìa ad John Sturges
1960 - I magnifici sette (The Magnificent Seven), regìa ad John Sturges
1961 - Per favore non toccate le palline (The Honeymoon Machine), regìa ad Richard Thorpe
1962 - L'inferno è per gli eroi (Hell Is for Heroes), regìa ad Don Siegel
1962 - Amante di guerra (The War Lover), regìa ad Philip Leacock
1963 - La grande fuga (The Great Escape), regìa ad John Sturges
1963 - Soldato sotto la pioggia (Soldier in the Rain), regìa ad Ralph Nelson
1963 - Strano incontro (Love with the Proper Stranger), regìa ad Robert Mulligan
1965 - L'ultimo tentativo (Baby the Rain Must Fall), regìa ad Robert Mulligan
1965 - Cincinnati Kid (The Cincinnati Kid), regìa ad Norman Jewison
1966 - Nevada Smith, regìa 'd Henry Hathaway
1966 - Quelli della San Pablo (The Sand Pebbles), regìa ad Robert Wise
1968 - Il caso Thomas Crown (The Thomas Crown Affair), regìa ad Norman Jewison
1968 - Bullitt, regìa ad Peter Yates
1969 - Boon il saccheggiatore (The Reivers), regìa ad Mark Rydell
1971 - Il rally dei campioni (On Any Sunday), regìa ad Bruce Brown
1971 - Le 24 Ore di Le Mans (Le Mans), regìa ad Lee H. Katzin
1972 - L'ultimo buscadero (Junior Bonner), regìa ad Sam Peckinpah
1972 - Getaway! (The Getaway), regìa ad Sam Peckinpah
1973 - Papillon, regìa ad Franklin J. Schaffner
1974 - L'inferno di cristallo (The Towering Inferno), regìa ad John Guillermin
1976 - Dixie Dinamite & Patsy Tritolo (Dixie Dinamite), regìa ad Lee Frost
1978 - Un nemico del popolo (An Enemy of the People), regìa ad George Schaefer
1980 - Tom Horn, regìa ad William Wiard
1980 - Il cacciatore di taglie (The Hunter), regìa ad Buzz Kulik

Culegamènt estéran

Àtar prugèt

Wikiquote contiene citazioni di o su Steve McQueen
Wikimedia Commons contiene file multimediali su Steve McQueen