Saint Louis
|
C'l artìcul chè 'l è scrit in
Miranduléś |
Saint Louis (a s lèś [seɪnt ˈluːɪs] in ingléś), da spés scurtâ in St. Louis, l'è na sità di Stat Unî ad tarśènt-mila abitànt a 'l incìrca ch'la s cata in dal stat dal Missouri. La gh'à na superfìsi ad 171,30 km² e la n fà part ad gnanc na cuntèa.
La s cata darènt a 'l incróś fra i fiùm Missisìpi e Missouri, a 'l cunfîṅ c'n al stat d'l Illinòis. In dal quartēr ad The Hill a gh'è 'n muć ad gint cun di urìgini lumbàrdi (da Milàṅ e da Carmóna). Fra 'l sò sità śmèli a gh'è anc Bulógna.
La sò ecunumìa la gh'à dal raìś difarènti, pasànd da i servìsi (anc federài) a la prudusiòṅ (chìmica e scarpi), da i cumèrs a i traspòrt e l'aviasiòṅ, c'n un PIL ch'in dal 2022 'l à pasâ i 209,9 migliàrd ad dòlar.
Saint Louis l'è stada la sēd di śōg dla tèrsa Ulimpìad, da 'l 1 ad Luj a 'l 23 ad Nuvémbar dal 1904, par na deciśiòṅ dal presidènt Theodore Roosevelt ch'al l'iva sarnìda rispèt a Chicago.
La gh'à 'n clima subtrupicàł ùmid cun di Istâ caldi e di Invèran fréd. Al tas ad masamènt par parsòna chè 'l è dimóndi élt.
L'è na sità ad sinìstra, in di ultmi siē elesiòṅ presidensiàli, i candidâ demucràtic chè i aṅ sèmpar pasâ 'l 80% di vōt a part in d'l an 2016 in du l'Hillary Clinton la s éra farmàda a 'l 78.68% cónt'r al 15.72% ad Donald Trump. Anc la sò sìndiga Cara Spencer, in carga da 'l 2025, l'è ad cal banda lè.
Tgnénd adrē a 'l censimènt dal 2020, la sò gint la s divìd in un 42,90% ad biànc, un 5,11% 'd ispànig, un 42,77% ad négar, un 0,20% ad natìṿ americàṅ, un 4,05% 'd aśiàtic e da 'n 4,35% ad rasa misćia.
Persunàǵ ligâ a Saint Louis
[mudéfica la surzéia]- Linda Blair, atōra
- Shelley Winters, atōra
- Vincent Price, atōr
- John Goodman, atōr
- David Kaufman, atōr
- Roy Engel, atōr
- Ken Page, atōr e còmig
- Redd Foxx, atōr e còmig
- Dan O'Bannon, senegiadōr
- Chuck Berry, sunadōr
- Andy Cohen, cundutōr televiśìṿ
- Steve Gerber, scritōr ad fumét
- Maya Angelou, puetésa
Àtar prugèt
[mudéfica la surzéia]
Wikimedia Commons contiene file multimediali su Saint Louis
