Squadra 49
|
C'l artìcul chè 'l è scrit in
Miranduléś |
 Ladder 49 | ||
| Squadra 49 | ||
 La Barrett e Phoenix in na figùra dal film | ||
| Squàdra 49 2004 | ||
|---|---|---|
| Regìa: Jay Russell | ||
| Scritōr: Lewis Colick | ||
| Atōr: Joaquin Phoenix • John Travolta • Billy Burke Jacinda Barrett • Robert Patrick • Morris Chestnut Balthazar Getty • Tim Guinee • Kevin Chapman Jay Hernandez • Kevin Daniels • Karen Vicks Steve Maye • Robert Lewis • Desiree Care | ||
| Müsica: William Ross | ||
| Léngua: Ingléś | ||
| Dürä dal film: 115 minüt | ||
| Nasiōṅ: Stat Unî | ||
Squadra 49 (Squàdra 49) 'l è 'n film dramàtic americàṅ dal 2004 ad Jay Russell.
Par far la part dal vìgil da fōg prutagunìsta dal film, 'l atōr Joaquin Phoenix al s è fat un méś cun la squàdra “Truck 10” di pumpēr dla sità ad Baltimòra. Custàda sinquànta migliòṅ ad dòlar, la pelìcula la 'n à pò muciâ sù da piò ad sènt-dū.
Sunt
[mudéfica la surzéia]Durànt 'n intervènt par śmursàr 'n inséndi in un palàs ad vint piàṅ ad Baltimòra, in dal stat dal Maryland, al vìgil da fōg Jack Morrison (Joaquin Phoenix) al crōda śò p'r al śbragamènt dal tasèl in du 'l stava dòp avēr salvâ 'n óm, frénd-'s a na gamba. Al sò cmandànt Mike Kennedy (John Travolta) e la sò squàdra i próan a salvàr-al méntar lò 'l arcòrda i mumènt più impurtànt dla sò vita.
Déś an prima, dòp ès'r-as diplumâ, Jack 'l iva tacâ a far al pumpēr in dlʼEngine Company 33, faghénd-'s amìg di sò culéga e cgnusénd a 'n suparmarcâ na ragàsa ciamàda Linda (Jacinda Barrett) che pò al spuśarà e ch'la gh darà dū fiōi, la Katie (Brooke Hamlin) e Nicky (Spencer Berglund). La vita da vìgil da fōg par lò la n è minga stada fàcila, anc parchè in chi an lè 'l iva pardû al sò amìg Dennis Gauquin (Billy Burke), mòrt bruśâ viṿ dòp ch'al téǵ ch'al gh'iva da cuntrulàr 'l iva mulâ, méntar 'n àtar sò culéga, Tommy Drake (Morris Chestnut), 'l éra armàś uféś in ghigna par l'espluśiòṅ d'n impinànt industriàł ch'al gh'iva tirâ cónt'r a 'l impruvìś dal vapōr bujènt. Da chè la sò deciśiòṅ ad pasàr a 'n rōl più periculóś in dla squàdra, da qvél ch'al gh'iva da schitnàr via l'àqua c'n al gumi a qvél d'l óm ch'al gh'iva 'd andàr dèntar par salvàr la gint in trapla, pròpria p'r arcurdàr al sacrifìsi 'd Dennis.
Purtròp par lò adès al capìs ch'l'è rivàda la sò óra parchè a n gh'è minga manéra 'd scapàr via da 'd lè, al piàṅ in du al s cata 'l è tut sircundâ da 'l fōg. Via ràddio, Jack al dmanda a Mike ad dir a sò mujēr ch'al gh'à sèmpar vlû bèṅ.