Spinàs

C'l artìcul chè 'l è scrit in Miranduléś

Al spinàs (Spinacia oleracea) l'è na piànta dla famìja dgl'Amaranthaceae uriginària d'lÀśia (Pèrsia antìga, Iràn e Ìndia) e purtàda in Európa vèrs 'l an mila. Al sò fój i s pōlan magnàr còti (par tiràr via 'n pôc al sò gust amàr) o crûdi e 'l savōr al càmbia dimóndi, in tut al manéri l'è na vardùra ch'la s digerìs facilmènt.

I spinàs i gh'aṅ dal raìś ad culōr rós e i èṅ pîni 'd vitamìni (A, B1, B2, C) e 'd fèr. I fiurìsan in présia da Śugn a Setémbar.

I paéś ch'i in prudùśan da piò a 'l mónd i èṅ la Cina (ch'la cuntróla 'l 90% dal marcâ), i Stat Unî, al Giapòṅ e la Turchìa.

Cla vardùra chè l'è stada numinàda dimóndi fra la gint par via dal persunàǵ di fumét ad Bras ad Fèr, un marinàr ch'al mùcia sù dimóndi fòrsa magnànd di spinàs in scatla.