Donnie Darko

Da Wikipedia.

C'l artìcul chè 'l è scrit in Miranduléś Emiliàn

Donnie Darko
Donnie Darko

Gyllenhaal, la Malone e 'l putòć Frank
in na figùra dal film
id.
2001
Regìa: Richard Kelly
Scritōr: Richard Kelly
Atōr: Jake GyllenhaalHolmes Osborne
Jena MaloneMary McDonnellAshley Tisdale
James DuvalDrew BarrymorePatrick Swayze
Maggie GyllenhaalDaveigh ChaseGary Lundy
Müsica: Michael Andrews
Léngua: Ingléś
Dürä dal film: 113 minüt
Nasiōṅ: Stat Unî


«
Cuśa farév-at s'at cgnusìs al futûr?»
(Tagline dal film)


Donnie Darko (id.) 'l è 'n film cult[1] americàṅ dal gènar fantàstic dal 2001 ad Richard Kelly ch'al 'l à anc scrit da par lò. 'L è custâ tri migliòṅ e òt ad dòlar e in na quàlc manéra al i à ardupiâ muciànd-an sù sèt e sèt dòp èsar turnâ in di cìnema tri an dòp.

La pelìcula l'à catâ pòst fóra cuncōrs a la 61śma móstra dal cìnema ad Venèsia. In dla culòna sunóra i s càtan di pès di Tears for Fears, di Pantera, di Duran Duran, di Joy Division e àt'r incóra. In dal 2009 al gh'à abû un séguit dirèt par Chris Fisher, S. Darko.

Sunt

In dla giurnàda dal 2 'd Utóbar dal 1988 'n aparéć al vóla śò e al sa stablìs cóntar la cà ad Donnie Darko (Jake Gyllenhaal), un śōvan cun di prubléma ad schisufrenìa tant ch'l è custrét a tōr dal madśìni. La sò cambra la salta p'r ària ma par furtùna lò al n éra minga là e al la scampa.

Sò pàdar Eddie (Holmes Osborne) 'l è 'n republicàṅ sfegatâ e al s quistióna da spés cun la fiōla più granda, l’Elizabeth (Maggie Gyllenhaal), ch'l'è invéci prugresìsta e arvèrsa. Qvéla più pìcula la s ciàma Samantha (Daveigh Chase) e la bala in un grup par la scōla, al “Sparkle Motion”, méntar sò màdar Rose (Mary McDonnell) la gh'à sèmp'r al magòṅ parchè la n è briśa bòna ad cumprénd'r-al.

Un dè al ragàs al ricév la vìśita 'd un putòć ad nóm Frank (James Duval) ch'a pâr un cunèṅ griś. Chi lò al gh cònta ch'al mónd al finirà fra vint-i-òt dè.

Culegamènt estéran

Nòti