Cher

Da Wikipedia.

C'l artìcul chè 'l è scrit in Miranduléś Emiliàn


«
I don't know why I did the things i did, I don't know why I said the things i said, love's like a knife, it can cut deep inside, words are like weapons, they wound sometimes, I didn't really mean to hurt you, I didn't wanna see you go, I know I made you cry, but baby if I could turn back time, if I could find a way, I'd take back those words that hurt you and you'd stay, If I could reach the stars, I'd give them all to you then you'd love me, love me, love me like you used to do.»
(EN)(If I Could Turn Back Time, 1989)
«
A n sò minga parchè a-j-ò fat quél ch'a-j-ò fat, a n sò briśa parchè a-j-ò dit al ròbi ch'a-j-ò dit, 'l amōr 'l è cuma 'n curtèl, al pōl tajàr a fónd, al paròli i èṅ cuma dgl'armi, dal vòlti i ferìsan, a n vliva mia far-at dal mâł dabòṅ, a n vliva mia védar-'t andàr via, a 'l sò ch'a t ò fat piànśar, ma teśôr s'a psis turnàr indrē, s'a catìs la manéra, a tirarév indrē 'l paròli ch'i t aṅ fat patìr e 't sarév armàś mèg, s'a psis rivàr a 'l stéli, a t li rigalirév tuti pò 't turnarév a vlér-um bèṅ, amàr-um, amàr-um cum at fav na vòlta.»
(MUD)
La cantànta califurgnàna in di an Stanta


La Cherilyn Sarkisian LaPierre, cgnusùda méj c'n al nóm 'd art ad Cher (El Centro, 20 ad Maǵ dal 1946, a s lèś /ˈʃɛər/ in ingléś), l'è n'atōra, cantànta, preśentadōra e prudutōra americàna.

L'è stada spuśàda c'n al cantànt Sonny Bono in fiṅ a 'l 1975 faghénd còpia sèg anc in dal mónd dal spetàcul par pò tacàr na caréra da par lē ch'la gh'à parmìs ad regìstràr vint-sinc àlbum in studi e 'd véndar da piò ad sènt migliòṅ ad disc e 'd piasàr almànc un sò pès a 'l nùm'r òṅ dla Billboard in di an Ssanta, Stanta, Utànta, Nuànta e Dumìla. La sò canta più famóśa l'è Believe, un pès druâ anc in na reclàm dna cumpagnìa telefònica, ch'al gh l'à cavàda a véndar déś migliòṅ ad còpi. Àtar sò sìngui 'd sucès i èṅ I Got You Baby, Bang Bang (My Baby Shot Me Down), I Found Someone, If I Could Turn Back Time, Just Like Jesse James, Love and Understanding, Walking in Memphis, Strong Enough, All or Nothing, Dov'è L'Amore e The Music's No Good Without You.

La Cher l'à anc girâ dimóndi film par di regìsta impurtànt cuma William Friedkin, Robert Altman, Mike Nichols e Franco Zeffirelli vinsénd al Prèmi Òscar cuma atōra prutagunìsta par la pelìcula Stregata dalla luna dòp ès'r andàda davśèṅ a qvél dal 1984 cuma atōra minga prutagunìsta in Silkwood, film girâ cun la Meryl Streep.

Cuma dagnóra tut al mónd 'd Hollywood la Cher l'è da la banda di demucràtic. In dal 2008 l'à dâ 'l sò apòǵ a Hillary Clinton mént'r al 21 ad Śnar dal 2017 l'à tòlt part a na manifestasiòṅ ad prutèsta ad cal dóni cónt'r al presidènt Donald Trump dòp avér dâ adòs a di republicàṅ urtudòs cuma la Sarah Palin, Jan Brewer e Richard Mourdock dal Tea Party ch'l iva dit ch'«al stùpar 'l è part di piàṅ ad Dio».

Filmugrafìa

La Cher tòlta śò a Sanremo in dal 1967
La Cher durànt al tour dal 1990
La Cher in dal 1996
Un sò prim piàṅ
La Cher durànt un cuncèrt dal 2014
Na foto dla Cher dal 2015

Discugrafìa

Àlbum in studi

  • 1965 - All I Really Want to Do
  • 1966 - The Sonny Side of Cher
  • 1966 - Cher
  • 1967 - With Love, Cher
  • 1968 - Backstage
  • 1969 - 3614 Jackson Highway
  • 1971 - Gypsys, Tramps & Thieves
  • 1972 - Foxy Lady
  • 1973 - Bittersweet White Light
  • 1974 - Half-Breed
  • 1974 - Dark Lady
  • 1975 - Stars
  • 1976 - I'd Rather Believe in You
  • 1977 - Cherished
  • 1979 - Take Me Home
  • 1979 - Prisoner
  • 1980 - Black Rose
  • 1982 - I Paralyze
  • 1987 - Cher
  • 1989 - Heart of Stone
  • 1991 - Love Hurts
  • 1995 - It's a Man's World
  • 1998 - Believe
  • 2000 - Not com.mercial
  • 2001 - Living Proof
  • 2013 - Closer to the Truth

Racòlti

  • 1968 - Golden Greats
  • 1972 - Superpack Vol. 1
  • 1972 - Superpack Vol. 2
  • 1974 - Greatest Hits
  • 1976 - Golden Hits Of Cher
  • 1978 - This Is Cher
  • 1982 - The Best Of Cher Volume One
  • 1992 - Greatest Hits: 1965–1992
  • 1999 - If I Could Turn Back Time: Cher's Greatest Hits
  • 1999 - The Greatest Hits
  • 2003 - The Very Best of Cher
  • 2005 - Gold

Da 'l Viṿ

  • 2003 - Live! The Farewell Tour

Culegamènt estéran

Àtar prugèt