L'altro uomo: differenze tra le versioni
Nessun oggetto della modifica |
m IMDb |
||
| Riga 41: | Riga 41: | ||
== Culegamènt estéran == |
== Culegamènt estéran == |
||
* {{en}} [http://www.imdb.com/title/tt0044079/ La schéda dal film in s'l |
* {{en}} [http://www.imdb.com/title/tt0044079/ La schéda dal film in s'l IMDb] |
||
* {{it}} [http://www.filmtv.it/film/296/delitto-per-delitto-l-altro-uomo/ La schéda dal film in sal ''FilmTV''] |
* {{it}} [http://www.filmtv.it/film/296/delitto-per-delitto-l-altro-uomo/ La schéda dal film in sal ''FilmTV''] |
||
Versione delle 17:15, 13 Dec 2013
|
C'l artìcul chè 'l è scrit in
Miranduléś |
 Strangers on a Train
| ||
| L'altro uomo cgnusû anc cuma “Delitto per delitto” | ||
 Robert Walker e Farley Granger in na figùra dal film | ||
| 'L àt'r óm cgnusû anc cuma “Delìt par delìt” 1951 | ||
|---|---|---|
| Regìa: Alfred Hitchcock | ||
| Scritōr: Patricia Highsmith • Raymond Chandler • Czenzi Ormonde | ||
| Atōr: Robert Walker • Farley Granger • Ruth Roman Leo G. Carroll • Laura Elliot • Jonathan Hale • Patricia Hitchcock | ||
| Müsica: Dimitri Tiomkin • Chas Ward | ||
| Léngua: Ingléś | ||
| Dürä dal film: 101 minüt | ||
L'altro uomo (’L àt'r óm) 'l è 'n film noir americàṅ dal 1951 'd Alfred Hitchcock trat da 'l rumànś Furastēr in sal trên dla Patricia Highsmith. 'L è stâ girâ in biànc e négar. In Itâglia 'l è vgnû fóra anc cun al nóm ad “Delitto per delitto” (“Delìt par delìt”).
Cun sèt migliòṅ ad dòlar purtâ a cà, al film 'l è stâ un sucès cumerciàl p'r Hitchcock e la Warner Bros, esénd custâ sōl un migliòṅ e dū.
Sunt
Al śóvan tenìsta Guy Haines (Farley Granger), divìś da sò mujér Miriam (Laura Elliot), una ch'la gh'à mis i còran, al s mét insém a l’Ann Morton (Ruth Roman), fiōla 'd un senadōr, avénd in prugèt qvél ad spuśàr-la quànd al gh'arà al divòrsi. Un dè, durànt un viàś in trên, chi lò al cgnós al milurdèṅ Bruno Anthony 'd Arlington (Virgìgna) ch'al gh diś 'd èsar un sò amiradōr, faghénd védar ad savér dimóndi quèi su lò e la sò famìja.
Dòp avér-ag pagâ al pranś, Bruno al gh śibìs òṅ di sò tragatèṅ, qvél ad far un scambi 'd umisìdi fra lōr dū, in manéra che la pulisìa la n prév rivàr minga a la véra, parchè i masamènt i n gh'arévan mia di mutìṿ vàlid. Lò al s farév càr'g ad cupàr cla dunàsa daśgustóśa dla Miriam, lasànd-ag camp lìbar par tōr in mujér l’Ann, mént'r al tenìsta al gh'arév ad far fóra sò pàdar, che cal visiâ ad Bruno pròpria al n s cumpatìs briśa. Guy al créd che lò 'l àppia dit incòsa par burla ma a n è minga acsè.
Na sira Bruno al tîṅ adrē a la Miriam méntar lē la và a divertìr-as a 'l Luna Park cun dū amìg sèg. Imprufitànd-as 'd un mumènt in dua la dóna la rèsta da par lē in un buschét, chi lò al la stròsa e pò al gh pòrta via gl'uciài śbragâ par far-i védar a Guy, dmandànd-ag ad rénd'r-ag al favōr ma lò 'l al para via uféś.
Bruno al n céd minga e al taca a far-as védar da spés in di pòst in dua al và anc Guy, dvintànd al sò arbgàt.