Opi

(manca)Un opi

Artìcol in dialètt pramsân

L’Opi (Acer campestre second la clasificasjón ad Linneo) l'è un albär mja tant ält (18 –20 m) c’al perda il foji d’avton, d'la famìja d’il Aceraceae. L’è facil catärel in t’i bosc dal mär infin’ai 1500 m.

Mórfologja

Ilustrassjón ad l’opi

Capèl e trus

Albär mja tant gros (pol river màsim ai 18-20 m d’altèssa), con un trus che da spès l’è mja dritt e pién ad broc, capèl rotond. La córtèssa l’è maron fesuräda in plachi regoläri. I sproclen i’en sotil.

Fóji

Fóji sempji, larghi circa 5-8 cm, dal bord intrég e ondulé con 5 o 3 gòbi, con piccól, verd scur. I van ben da där da magnär al bestj.

Fiór

I fiór j’en vérd e picén e i venen fóra vèrs vril-magg insèma al fóji.

Frut

I frut i portin na specj d’alèti che quand i caschen i g’fan fer d’il gran giravolti.

Par cosa as dróva

I fiór ad l’opi van bèn par fär fär la méla ai bisjón.

Al lègn l’è ciär , dur e pès, e al rènda bén se a s’brusa.

L’è na pianta mja tanta gròsa cla soporta ben il scalvaduri, par cost l’è städa dróväda bon ben da ch’indrè par tgnir su il téri dla vida. Ai di d’incò l’è drovè cme albär ornamentäl e pr’il sési.

Nòti