Josh Duhamel: differenze tra le versioni
m r2.7.1) (Robot A Śònt: be-x-old:Джош Дзюамэль |
m r2.7.1) (Robot A Cambi: mn:Жош Дюамэл |
||
| Riga 92: | Riga 92: | ||
[[lv:Džošua Diamels]] |
[[lv:Džošua Diamels]] |
||
[[map-bms:Josh Duhamel]] |
[[map-bms:Josh Duhamel]] |
||
[[mn: |
[[mn:Жош Дюамэл]] |
||
[[ms:Josh Duhamel]] |
[[ms:Josh Duhamel]] |
||
[[na:Josh Duhamel]] |
[[na:Josh Duhamel]] |
||
Versione delle 05:02, 12 Mâg 2012
Artéccol in dialètt mudnés
Josh Duhamel (Minot, 14 ad Nuvémbar dal 1972) 'l è 'n atōr e mudèl americàṅ, uriginàri dal Dakota dal Nord. In Itâglia al s è fat cgnósar specialmènt p'r avér recitâ in dal film ad scarésa Turistas e par la sèrie di Transformers.
Biugrafìa
Josh Duhamel, cun di urìgini canadéśi e fancéśi, da pìcul al patìs la separasiòṅ di sò genitōr e 'l è custrét a vìvar sōl cun sò màdar e al surèli più śóvni ad lò Ashlee, Mckenzee e Kassidy. Al gh'à un diplòma in biulugìa, tòlt a la State University dla sò sità, Minot.
Miténd a frut la sò belésa, al s buta in dal mónd dla mòda, vinsénd al tìtul ad Mudèl d'l An in dal 1995.
In séguit al fà al sò debùt in sal schérum pìcul in dal telerumànś La valle dei pini (La val di pèṅ) dla ABC vinsénd anc un Emmy Award. Anc al mónd dla mùśica al al pésca: Duhamel al cumparìs in soquànt vìddeo cuma I Will Go With You dla Donna Summer e Genie In a Bottle dla Christina Aguilera.
In dal 2003 al ciàpa un rōl ad prim piàṅ (quél d'l agìnt ad sicurésa Danny McCoy) in dal telefilm Las Vegas dla NBC. Al sò persunàǵ al vèṅ pò anc druâ in soquànt epiśòdi dla sèrie Crossing Jordan, faghénd un quèl ciamâ crossover.
P'r al cìnema, in dal 2004 al gira la cumèdia rumàntica Appuntamento da sogno! (Apuntamènt da sógn!) e pò al fà la part 'd Alex in dal film ad scarésa Turistas (Turìsta) ad John Stockwell dal 2006, ambintâ in Braśìl. Cla pelìcula chè la fà sù dimóndi pulèmichi parchè al guèran dal paéś sudamericàṅ 'l éra incasâ négar par via dla bruta figùra ch'al film al fava far a gl'abitànt dal pòst[1]. Josh Duhamel 'l è custrét acsè a dmandàr pardòṅ in na puntàda dal prugràma ad Jay Leno The Tonight Show dgénd ch'a n éra briśa intensiòṅ dal film purtàr di dan a 'l turìśum braśigliàṅ.
In dal 2007 al fà la part dal capitàṅ Lennox in dal film Transformers ad Michael Bay e anc in di dū séguit Transformers - La vendetta del caduto (2009) e Transformers 3 (2011).
Sèmpar in dal 2011 al gira insém a la Halle Berry a Jon Bon Jovi e a Robert De Niro al film Capodanno a New York (Cavdàn a New York).
Duhamel 'l è spuśâ da 'l 2009 cun la Stacy Ferguson, cgnusùda méj cuma Fergie, cantànta di Black Eyed Peas.
Filmugrafìa
- Il ritratto di Dorian Gray - Il ritratto del male (The Picture of Dorian Gray), regìa ad David Rosenbaum 2004
- Appuntamento da sogno! (Win a Date with Tad Hamilton!), regìa ad Robert Luketic 2004
- Turistas, regìa ad John Stockwell 2006
- Transformers, regìa ad Michael Bay 2007
- Transformers - La vendetta del caduto (Transformers 2: Revenge of the Fallen), regìa ad Michael Bay 2009
- La fontana dell'amore (When in Rome), regìa ad Mark Steven Johnson 2010
- The Romantics, regìa ad Galt Niederhoffer 2010
- Ramona e Beezus (Ramona and Beezus), regìa 'd Elizabeth Allen 2010
- Tre all'improvviso (Life as We Know It), regìa ad Greg Berlanti 2010
- Transformers 3 (Transformers: Dark of the Moon), regìa ad Michael Bay 2011
- Capodanno a New York (New Year's Eve), regìa ad Garry Marshall 2011
Culegamènt estéran
- Filmugrafìa su IMDB in Itagliàṅ
Nòti
Wikimedia Commons contiene file multimediali su Josh Duhamel
