Pupi Avati

Artéccol in dialàtt bulgnaiṡ

Pupi Avati

«

La macchina da presa è quell'imbuto attraverso il quale le cose vere diventano bugie, menzogne...

Ecco perché mi piace la macchina da presa, perché fa diventare falso ciò che è vero, fa diventare sogno la realtà»

(Pupi Avati)

La só vétta

Giuseppe Avati, ciamè Pupi, l'è al fradèl pió grand d'Antonio Avati, scritåur ed film e produtåur, nèd a Bulåggna al 3 ed nuvänber dal 1938. Dåpp ch'l'à tôlt la laurea in Siänz puléttichi a l'Universitè d'la só zitè, l'à truvè da lavurèr int'un'aziända indovv i surzlèven la ròba da magnèr e l'à fât al magatt necesèri (i n'éren brîsa tant bajûc) par la só prémma ôvra drî da la cinepraisa, ch'la s ciamèva: Balsamus - Lo sguardo di Satana dal 1969. L'è un film pauråus trésst indóvv tott i s mâzen ch'al n è brisa costè di mondi e ch'i ân fât vadder såul int'i cinema dî dintûren.

Pasè zéncv ân al lavuré insamm a Pier Paolo Pasolini a l'ûtum film Salò o le 120 giornate di Sodoma, al zîra al só secånd film La mazurka del barone, della santa e del fico fiorone (1975), e dåpp anch' La casa dalle finestre che ridono (1976), un èter film pauråus ed bòna râza che dåpp dî ân l'è gnô un film famåus pr'al nôster cinema. Avati al zîra ancåura dî film ed ste gèner e ai pèr ch'i sèppen èser fât par ló. Avati al s fairma ancåura såura a ste gèner e al drôva pió danèr e dî aiutànt cme stra i èter anch Maurizio Costanzo.

Dal 1977 al vén fôra Bordella, una cumêdia demenzièl indóvv ai é anch Christian De Sica, ch'l êra bän zåuven. Dal stess ân, Avati, as fà vadder al film zâl Tutti defunti… tranne i morti ch'al n cunvénz mégga tant i créttic e la zänt.

Dal 1983, al regéssta bulgnais al tâca a scrîver däl cumêdi e al fà Una gita scolastica, mo al vänza ancåura stra i pió brèv con Zeder un èter film da péppacûl, onna däl só ôver pió famåusi. Dal 1984, dåpp al fil prôpri inflîz Impiegati, l'è ancåura al regéssta d'un chèplavåur int'al cinema itagliàn, al Regalo di Natale, ch'ai darà una continuaziån dal 2004 ciamàndla La rivincita di Natale.

Dåpp i vénen Storia di ragazzi e ragazze (1989), Bix (1991), al pauråus L'amico di infanzia (1993) ch'lè zirè int'i Stèd Uné d'Amêrica e al peppacûl L'arcano incantatore (1996) con Stefano Dionisi. Dal 1997 al zîra int'una vélla dal Sâs Il testimone dello sposo e dal 1999 La via degli angeli. Dal 2003 dåpp ch'al n'avêva fât gninta pr'un pulén, al zîra al film ed sentimänt Il cuore altrove col témmid Neri Marcorè e Vanessa Incontrada, ch'in ste film qué po la fà onna ch'la n i vadd brîsa.

Al 2005 l'è stè un bel ân pr'al regéssta, ch'al fa un film con Vittoria Puccini, Paolo Briguglia e Claudio Santamaria, la cumêdia d'amåur Ma quando arrivano le ragazze? e al zîra con Antonio Albanese, Katia Ricciarelli e ancåura Neri Marcorè al film da bandîga La seconda notte di nozze. Dal 2007 l'è la vôlta dal delghè La cena per farli conoscere, con Diego Abatantuono col bèli Francesca Neri, Ines Sastre, Vanessa Incontrada e anch' Violante Placido. L'ûtum l'è Il nascondiglio, un nôv pauråus con Laura Morante ch'la fà una gran sgnåura itaglièna ch'la cånpera un palâz a Davenport, int'l Iowa.

Incû Pupi Avati l'è on dî regésst itaglièn pió famûs e amè int'al månd.

I film ch'l'à fât

Da regéssta

• Thomas... gli indemoniati (1970)
• Balsamus l'uomo di Satana (1970)
• La mazurka del barone, della santa e del fico fiorone (1974)
• La casa dalle finestre che ridono (1976)
• Bordella (1976)
• Tutti defunti... tranne i morti (1977)
• Jazz band (1978) - Film TV
• Le strelle nel fosso (1979)
• Cinema (1980) - Serie TV
• Aiutami a sognare (1981)
• Dancing Paradise (1982)
• Zeder (1983)
• Una gita scolastica (1983)
• Noi tre (1984)
• Impiegati (1984)
• Festa di laurea (1985)
• Hamburger Serenade (1986) - Serie TV
• Regalo di Natale (1986)
• Ultimo minuto (1987)
• Sposi (1987)
• Storia di ragazzi e di ragazze (1989) - non accreditato
• È proibito ballare (1989)
• Fratelli e sorelle (1991)
• Bix (1991)
• Magnificat (1993)
• Dichiarazioni d'amore (1994)
• Storie Incredibili (1986)
• L'amico d'infanzia (1994)
• Voci notturne (1995) - Miniserie TV
• L'arcano incantatore (1996)
• Festival (1996)
• Il testimone dello sposo (1998)
• La via degli angeli (1999)
• I cavalieri che fecero l'impresa (2001)
• Il cuore altrove (2003)
• La rivincita di Natale (2004)
• Ma quando arrivano le ragazze? (2005)
• La seconda notte di nozze (2005)
• La cena per farli conoscere (2007)
• Il nascondiglio (2007)

Da scritåur ed film

• Thomas... gli indemoniati (1970)
• Il bacio (1974)
• La mazurka del barone, della santa e del fico fiorone (1975)
• Il cav. Costante Nicosia demoniaco ovvero: Dracula in Brianza (1975)
• Salò o le 120 giornate di Sodoma (1975) - non accreditato
• La Padrona è servita (1976) (solo sceneggiatura)
• La casa dalle finestre che ridono (1976)
• Bordella (1976)
• Tutti defunti... tranne i morti (1977)
• Jazz band (1978) - Film TV
• Le strelle nel fosso (1979)
• Cinema (1980) - Serie TV
• Macabro (1980)
• Aiutami a sognare (1981)
• Dancing Paradise (1982)
• Zeder (1983)
• Una gita scolastica (1983)
• Noi tre (1984)
• Impiegati (1984)
• Festa di laurea (1985)
• Hamburger Serenade (1986) - Serie TV
• Regalo di Natale (1986)
• Ultimo minuto (1987)
• Storia di ragazzi e di ragazze (1989) - non accreditato
• Fratelli e sorelle (1991)
• Dove comincia la notte (1991)
• Bix (1991)
• Magnificat (1993)
• Dichiarazioni d'amore (1994)
• L'amico d'infanzia (1994)
• La stanza accanto (1994)
• L'arcano incantatore (1996)
• Festival (1996)
• Il testimone dello sposo (1998)
• La via degli angeli (1999)
• I cavalieri che fecero l'impresa (2001)
• Il cuore altrove (2003)
• La rivincita di Natale (2004)
• Ma quando arrivano le ragazze? (2005)
• La seconda notte di nozze (2005)
• La cena per farli conoscere (2007)
• Il nascondiglio (2007)

Ligâm estêren (in itagliàn)

• A. Melazzini Il frappé di Pupi Intervéssta a Pupi Avati, Il Notiziario della Banca Popolare di Sondrio, Agåsst 2007

• Sito ufficiale Duea Film Sît ufizièl Duea Film, la sozietè 'd produziån d'Avati.