Lech Walesa

Artéccol in dialètt mudnés

Articul in Miranduleś

Lech Wałęsa

Lech Waleśa (Lech Wałęsa in Pulàc - Popowo, 29 setembar 1943) 'l è stàa al president ad la Pulonnia dal 1990 al 1995. In dal 1983 'l ha vins al Premi Nobel par la paś.

Biugrafia

Nasìd a Popowo al 29 setembar 1943, da zovan al fava 'l eletricista e al s è impgnàa in dal sindacat e par difendar i dirit ad l'om. 'L ha fundàa Solidarność, la prima organiśasion sindacala indipendenta dal bloc sovietic: par mez dal moviment operai Cieśa catolica, dopa na longa e tribulada stagioṅ ad cunfront cun al regim comunista, 'l ha finìi par guidar la Pulonnia, purtand a termin na rivolusioṅ pacifica che, muvendas da cumpagni radiśi catolichi, l'ha ridat la libertà al popul pulac. In dal 1995 al gh è subentràa Aleksander Kwaśniewski.

Oltre al Premi Nobel, 'l ha ciapàa dimondi atar premi internasionai. Nonostant al n gh'appia minga un diploma ad scola superiora, a gh è stàa dat soquanti laurea honoris causa da part 'd Università ad tut al mond.

Lech Waleśa 'l è spusàa cun la Danuta dal 1968 e al gh'ha 8 fioi.

Cus'hall dìt

«

In Occidente avete ricchezze e libertà, ma non date valore alla fede e alle regole. Siccome possedete così tanti computer, perché non li utilizzate per la ricerca delle felicità?»

(IT)(Lech Walesa)

«

In Ocident a gh'iv richesi e libertà, ma a n dav minga valor a la fed e al reguli. Avend acsè tant computer, parchè a n i druav minga par catar la cuntintesa?»

(MUD)