Sotto accusa
|
C'l artìcul chè 'l è scrit in
Miranduléś |
 The Accused | ||
| Sotto accusa | ||
 La Jodie Foster in na figùra dal film | ||
| Sóta acùśa 1988 | ||
|---|---|---|
| Regìa: Jonathan Kaplan | ||
| Scritōr: Tom Topor | ||
| Atōr: Jodie Foster • Kelly McGillis • Ann Hearn Leo Rossi • Steve Antin • Carmen Argenziano Tom O'Brien • Peter Van Norden • Woody Brown | ||
| Müsica: Brad Fiedel | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî | ||
Sotto accusa (Sóta acùśa) 'l è 'n film dramàtic dal 1988 ad Jonathan Kaplan, ispirâ a di fat sucès dabòṅ in dal 1983 a na śōvna dal Massachusetts ciamàda Cheryl Araujo. Par cal lavōr chè la Jodie Foster l'à vins al Prèmi Òscar cuma atōra prutagunìsta.
La pelìcula, preśentàda a 'l 39śum Fèstival 'd Berlîṅ, l'à muciâ sù da piò ad trénta-dū migliòṅ ad dòlar in Nordamèrica dòp ès'r-an custâ trédas.
Sunt
[mudéfica la surzéia]La Sarah Tobias (Jodie Foster) la fà la camaréra e la viṿ in na roulotte. Na sira, dòp avēr litgâ c'n al sò ragàs, la và cun na sò amìga a bèvar quèl in un lucàl ciamâ „The Mill“ in dua la manda śò na quàlc bira 'd tròp. Dvintàda mèśa ciùca, la taca a far di sćiànc davànti a chi óm, faghénd di balét purcùs e stricànd 'l òć sèg. Cliff (Leo Rossi) e àtar dū sò amìg i la viuléntan dòp avēr-la pugiàda su 'n flipper méntar chi àt'r i gh rùsan cóntar.
La prucuradōra Kathryn Murphy (Kelly McGillis) la s tōś al caś a cōr ma, esénd ch'la śōvna cla nòt là la gh'iva abû 'n cumpurtamènt da malnéta, la gh'à paùra a 'ndàr a prucès e dònca la firma 'n pategiamènt par leśiòṅ culpóśi ma pò la s pintìs, anc sinténd ch'la Sarah la vōl andàr in tut i cóst in tribunàl par vudàr al sac. La Sarah la gh la cava a mandàr in parśòṅ i viulentadōr ma anc a far cundanàr tut chi àt'r óm ch'i èṅ stâ lè a gódar-'s al spetàcul sénsa far gnint.