Son of a Gun (film 2014)
|
C'l artìcul chè 'l è scrit in
Miranduléś |
 Son of a Gun | ||
.png) McGregor, Thwaites e Nable in na figùra dal film | ||
| Canàja 2014 | ||
|---|---|---|
| Regìa: Julius Avery | ||
| Scritōr: Julius Avery • John Collee | ||
| Atōr: Ewan McGregor • Brenton Thwaites Alicia Vikander • Jacek Koman • Matt Nable Tom Budge • Nash Edgerton • Damon Herriman | ||
| Müsica: Jed Kurzel | ||
| Léngua: Ingléś • Sèrb-Cruàt | ||
| Dürä dal film: 109 minüt | ||
| Nasiōṅ: Régn Unî • Austràglia • Cànada | ||
Son of a Gun (Canàja) 'l è 'n film 'd asiòṅ austragliàṅ, canadéś e britànic dal 2014 ad Julius Avery ch'al 'l à scrit insém a John Collee.
'L è custâ dódas migliòṅ ad dòlar, andànd in rós esénd ch'al 'n à fat sù sōl ssanta-siemìla.
Sunt
[mudéfica la surzéia]Jesse Ryan White dit JR (Brenton Thwaites) a daśnóṿ an al finìs in na parśòṅ austragliàna p'r un reàt da gnint. Al sò cumpàgn ad sèla, Ben (Kazimir Sas), 'l è custrét a far-as dar da spés da 'n àtar detenû Dave (Sam Hutchin), un brut grintèṅ a cap dna banda lè dèntar. Quànd Ben al s tōś la vita, Dave al vrév gusàr-as JR che però al cata la prutesiòṅ dal cariśmàtic rapinadōr Brendan Lynch (Ewan McGregor).
Quànd dòp pôc méś JR al vîṅ lasâ lìbar, al gh'à da rénd'r al favōr a Brendan ch'l à strulgâ un piàṅ par scapàr via in elicòtar insém a i sò culaburadōr Sterlo (Matt Nable) e Merv (Eddie Baroo). JR al juta i tri a scapàr e al s unìs a la banda.
Brendan al s mét 'd acòrd c'n al sgnōr dal crìmin Sam Lennox (Jacek Koman) e c'n al sò anvōd Josh (Tom Budge) par fargàr un càrag 'd òr. In cal méntar JR al taca a véd'r-as cun la muróśa 'd Sam, la Tasha (Alicia Vikander).