Simon Gallup

C'l artìcul chè 'l è scrit in Miranduléś

«

You're such a strange girl, I think you come from another world, you're such a strange girl, I really don't understand a word.»

(EN)(The Perfect Girl, 1987)

«

At sē pròpria na ragàsa strana, a pèns ch'at daśvîṅ da 'n àtar mónd, at sē pròpria na ragàsa strana, a n capìs gnanc na paròla dabòṅ.»

(MUD)

Simon Johnathon Gallup (Duxhurst, 1 ad Śugn dal 1960) l'è 'n basìsta ingléś. Al sò stîł 'l è qvél dla new wave, cun di efèt cuma 'l horus e 'l flanger.

Dòp 'n inìsi in di grup punk Lockjaw e The Magazine Spies, al s è unî a i The Cure in dal 1979, tulénd al pòst ad Michael Dempsey, dòp avēr bèla sunâ cun Robert Smith in dal pruget Cult Hero faghénd vgnir fóra 'l sìngul I'm a Cult Hero. A 'l inìsi di an Utànta al dà 'l sò cuntribùt a la trilugìa dark dal grup^[1]: Seventeen Seconds, Faith e Pornography.

Durànt al 4 Explicit Moments Tour dal 1982 al s quistióna cun Smith, prima a Straśbûrg e pò anc a Bruxèlles^[2], e 'l dec'd ad mulàr al grup dand vita a i Fools Dance insém a 'l èx tasterìsta di The Cure Matthieu Hartley. Par daśdòt méś al n dascór piò cun Smith ch'a 'l sò pòst par 'l àlbum The Top al ciàma Phil Thornalley.