Silvia Monti

C'l artìcul chè 'l è scrit in Miranduléś

La Silvia Cornacchia, cgnusùda méj c'n al nóm 'd art ad Silvia Monti (Basàṅ dal Grapa, 23 ad Śnar dal 1946 - Lugàṅ, 12 'd Agóst dal 2026, a s lèś [ˈsilvja ˈmonti] in itagliàṅ) l'è stada n'atōra itagliàna.

L'à fat al sò debùt a 'l cìnema in dal 1969 faghénd un rōl cic in dal film ad spiunàǵ Fräulein Doktor 'd Alberto Lattuada cun la Suzy Kendall, la Capucine e Giancarlo Giannini. In c'l an lè a l'ém vista anc far la part dl'atōra in dal drama Metti, una sera a cena, a fiànc ad Jean-Louis Trintignant, Lino Capolicchio, Tony Musante e la Florinda Bolkan, e la Mirta in dal grutésc Sai cosa faceva Stalin alle donne? cun prutagunìsta Helmut Berger.

In dal 1970 l'è stada prutagunìsta dal film ad scarésa Il delitto del diavolo, girâ insém a Haydée Politoff e a Raymond Lovelock, méntar 'l an dòp l'à fat al śal eròtic Una lucertola con la pelle di donna, in dla part dl'amànta ad Jean Sorel, 'l aventuróś Il corsaro nero, cun la còpia Terence Hill e Bud Spencer, e 'l thriller Giornata nera per l'ariete, faghénd la muróśa dal giurnalìsta puòs Franco Nero.

Dòp avēr tòlt part a la cumèdia spurcaciòna Racconti proibiti... di niente vestiti (1972), in dua l'à incruśâ la Tina Aumont, la Janet Agren, Rossano Brazzi, la Barbara Bouchet e la Magali Noël, in dal 1973 l'à catâ spasi in dal pulisiésc Metti... che ti rompo il muso, in còpia cun Frederick Stafford, in dal stòrig Peccato d'amore, in di pagn dla barunésa Anne Isabella Milbanke, in dla cumèdia Sono stato io!, cun prutagunìsta Giancarlo Giannini, e in dal pulisiésc La mano spietata della legge, in dla part dla mujēr ad Philippe Leroy, al cumisàri Gianni De Carmine in dal film.

Finî ad giràr la cumèdia 'd Alberto Sordi Finché c'è guerra c'è speranza, l'à śmis ad far l'atōra in dal 1974.

Dòp avēr abû na stòria 'd amōr cun Gianni Agnelli e èsar stada spuśàda c'n al cònt Luigi Donà dalle Rose, padàr di sò fiōi Leonardo e Una, in dal 1997 l'è dvintàda la mujēr d'l imprendidōr Carlo De Benedetti. Andàda sèg a vìv'r in Śvisra, l'è mòrta là a utànt'an.

Filmugrafìa

1969 - Fräulein Doktor, regìa 'd Alberto Lattuada
1969 - Il cervello (Le cerveau), regìa ad Gérard Oury
1969 - Metti, una sera a cena, regìa ad Giuseppe Patroni Griffi
1969 - Sai cosa faceva Stalin alle donne?, regìa ad Maurizio Liverani
1970 - Il delitto del diavolo, regìa ad Tonino Cervi
1971 - Una lucertola con la pelle di donna, regìa ad Lucio Fulci
1971 - All'ovest di Sacramento (Le juge), regìa ad Federico Chentrens e 'd Jean Girault
1971 - Il corsaro nero, regìa ad Lorenzo Gicca Palli
1971 - Giornata nera per l'ariete, regìa ad Luigi Bazzoni
1972 - Racconti proibiti... di niente vestiti, regìa ad Brunello Rondi
1972 - Afyon - Oppio, regìa ad Ferdinando Baldi
1973 - Metti... che ti rompo il muso, regìa ad Giuseppe Vari
1973 - Peccato d'amore (Lady Caroline Lamb), regìa ad Robert Bolt
1973 - Sono stato io!, regìa 'd Alberto Lattuada
1973 - ¡Qué cosas tiene el amor!, regìa ad Germán Lorente
1973 - La mano spietata della legge, regìa ad Mario Gariazzo
1974 - Il domestico, regìa ad Luigi Filippo D'Amico e 'd Ary Fernandes
1974 - Milano: il clan dei calabresi, regìa ad Giorgio Stegani
1974 - Finché c'è guerra c'è speranza, regìa 'd Alberto Sordi

Culegamènt estéran

(IT) Filmugrafìa in s'l IMDb

Àtar prugèt

Wikimedia Commons contiene file multimediali su Silvia Monti