Shoot 'Em Up - Spara o muori!
|
C'l artìcul chè 'l è scrit in
Miranduléś |
 Shoot 'Em Up | ||
| Shoot 'Em Up - Spara o muori! | ||
 Clive Owen in na figùra dal film | ||
| Sparâ pur a tut - Spara o mōr! 2007 | ||
|---|---|---|
| Regìa: Michael Davis | ||
| Scritōr: Michael Davis | ||
| Atōr: Clive Owen • Monica Bellucci • Greg Bryk Paul Giamatti • Stephen McHattie • Daniel Pilon Ramona Pringle • Julian Richings • Tony Munch Scott McCord • Wiley M. Pickett • David Ury Stephen R. Hart • Mike Rad • Andy Mackenzie | ||
| Müsica: Paul Haslinger | ||
| Léngua: Ingléś • Itagliàṅ | ||
| Dürä dal film: 86 minüt | ||
| Nasiōṅ: Stat Unî | ||
Shoot 'Em Up - Spara o muori! (Sparâ pur a tut - Spara o mōr!) 'l è 'n film 'd asiòṅ dal 2007 scrit e dirèt par Michael Davis. In dla culóna sunòra dal film i s càtan di pes heavy metal cuma Breed di Nirvana, Ace of Spades di Motörhead, If You Want Blood (You've Got It) di AC/DC, Kickstart My Heart di Mötley Crüe e Private Hell 'd Iggy Pop e di Green Day.
Custàda trénta-nóṿ migliòṅ ad dòlar, la pelìcula la 'n à purtâ a cà dagnóra vint-sèt.
Sunt
[mudéfica la surzéia]Al sgnōr Smith (Clive Owen), èx agìnt 'd uperasiòṅ sóta quaciadùra, mént'r al s cata su na panchìna ad nòt a magnàr na caròta, al magnàr ch'a gh piàś da piò, al véd un killer (Wiley M. Pickett) curar adrē a na dóna insìnta (Ramona Pringle) par cupàr-la. Smith al s mét in mèś par diféndar-la ma 'l è 'n quèl difìcil parchè al gh'à da far frònt a dimóndi àtar sasèṅ cun dal pistòli in maṅ, óm ch'i lavóran p'r un sèrt Karl Hertz (Paul Giamatti).
Druànd la pistòla dla dóna, Smith al gh la cava a far-i fóra tut ma purtròp la ragàsa la mōr subìt dòp avēr parturî un masć. Esénd che Hertz al vōl cupàr anc al putèṅ, Smith al decìd ad purtàr al piculèṅ da na sò amìga cun di urìgini itagliàni ch'la fà la putàna, la Donna Quintano (Monica Bellucci). Al riśultâ però 'l è qvél ad métar-la in perìcul parchè i óm 'd Hertz i gh dànan la casa dapartùt. Chi lò 'l è pagâ da 'l CEO dn'indùstria ch'la fà gl'armi, al sgnōr Hammerson (Stephen McHattie), par far fóra tut i putèṅ fat nàsar cun l'inseminasiòṅ artifisiàla da 'l senadōr demucràtic Harry Rutledge (Daniel Pilon), candidâ e favurî par dvintàr presidènt di Stat Unî. Chi lò, druànd la sò śbòra par métar insìnta dimóndi dóni, al vliva avēr di midói di òs cumpatìbil par lò esénd ch'l è dimóndi malâ. In dal sò prugràma eleturàł a gh'è anc al cuntròl dgl'armi e 'l è par qvél lè che Hammerson al s gh'è mis cóntar.