Sharknado
|
C'l artìcul chè 'l è scrit in
Miranduléś |
 Sharknado | ||
.png) Ian Ziering e la Tara Reid in na figùra dal film | ||
| id. 2013 | ||
|---|---|---|
| Regìa: Anthony C. Ferrante | ||
| Scritōr: Thunder Levin | ||
| Atōr: Ian Ziering • Tara Reid • Neil H. Berkow Cassandra Scerbo • Jaason Simmons • Alex Arleo John Heard • Heather Jocelyn Blair • Marcus Choi Julie McCullough • Sumiko Braun • Tiffany Cole | ||
| Müsica: Ramin Kousha | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
Sharknado (id.) 'l è 'n film 'd asiòṅ americàṅ dal gènar scarésa dal 2013 'd Anthony C. Ferrante, girâ par la televiśiòṅ c'n un budget ad dū migliòṅ ad dòlar.
Al gh'à abû sinc séguit: Sharknado 2 - A volte ripiovono, Sharknado 3, Sharknado 4, Sharknado 5: Global Swarming e L'ultimo Sharknado - Era ora!.
Sunt
[mudéfica la surzéia]Su 'l còsti dla Califòrgna, da Santa Mònica a Los Angeles, 'l è drē a rivàr 'n uragàṅ spavintóś ch'al s è furmâ in Mèsic. 'L èx campiòṅ ad surf Fin Shepard (Ian Ziering), insém a la barìsta ch'la lavóra sèg ciamàda Nova Clarke (Cassandra Scerbo) e a 'l sò amìg ad sèmpar Baz Hogan (Jaason Simmons), al decìd ad saràr prima 'l sò bar su la spiàgia par prutèśar la strutùra da la timpèsta. Purtròp al n fà minga in tèmp parchè al stravènt 'l è tròp fòrt, inóltar, in mèś a la piōva, i gh'èṅ anc di squâi ch'i èṅ stâ tirâ sù da 'l ucéan Pasìfic da 'l uragàṅ. Cal bistiàsi chè i èṅ dapartùt, in dal canaléti e lung al stradi ch'i s èṅ impinìdi 'd àqua. Fra i turìsta e la gint dal pòst 'l è 'n masèl.
Fin, insém a la Nova, a Baz e a 'n sò cliènt puòs ciamâ George (John Heard), i partìsan p'r andàr a salvàr sò fiōla Claudia (Aubrey Peeples) e la sò èx mujēr April (Tara Reid) ch'i vìv'n in na cà su 'l culìni ma ch'i n èṅ briśa a 'l sicûr parchè 'l uragàṅ 'l è fòrt e 'l riva dapartùt c'n al sò càr'g ad squâi. Durànt al viàś George al pèrd la vita, magnâ da 'n pescàṅ, acsè cuma Collin (Christopher Wolfe), muróś dlʼApril. Dòp avēr cargâ in màchina al dó dóni, al grup al partìs p'r andàr a tōr anc Matt (Chuck Hittinger), àtar fiōl ad Fin.
A gh'è da reśìst'r e 'rmàgnar viṿ in fiṅ tant ch'la timpèsta la finìs.