Sfrùmbla

Da Wikipedia.
C'l artìcul chè 'l è scrit in Carpśàn Emiliàn
Un ragasól ch'al śóga a la sfrùmbla in na pitùra 'd fin Otsèint dal Karl Witkowski.
Na sfrùmbla bèin custruìda.
Un ragasól afghàṅ ch'al fà vèder la só prodèsa cun la sfrùmbla.

La sfrùmbla l'è n'erma da lansi cìca, furmèda da 'n bastunsèin che in dal cô in bàs al s tìn in na màṅ, mèinter che da cl'etra banda, al ramèt al s divìd in dū pêrt, cun lighê in sìm'ai dū cô na curdlèina elàstica cun da mêś na piastrèina per pugèr-'gh el predlèini da tirèr: pugènd al sasulèin a la piastrèina, a s tira la curdlèina cun cl'ètra màṅ acsè da dèr-eg tanta forsa ed lansi, e a 'l só mulamèint la predlèina la viaśarà cun la spinta ch'l'ìva tolt sù prìma.

In di śōg di putèin

La sfrùmbla l'è anca 'n śōg che i masćin i dróv'n a l'ària 'verta s'egl'în adrē a fèr-es la guèra, o anca s'a gh'è da casèr na quèlc bestiulèina.

In dla mitulugìa

In di còunt edla Bibia a s léś che 'l David 'l ìva tirê na préda cun la só sfrùmbla adòs a 'l gigànt Golìa e acsè al 'l ìva batû.
In dl'Enèide dal Virgìli, a s léś che 'l tiràṅ etrùs'c Meśénsi al tira cun la sfrùmbla a 'n śóven siciliàṅ ch'al vliva stèr dala pert di trujàṅ.

Vóś lighèdi

Colegamèint estèren