Sfója

C'l artìcul chè 'l è scrit in Miranduléś

Sfója
na sfója Solea solea
Dominì: Eukaryota
Rèign: Animalia
Phylum: Chordata
Clâsa: Actinopterygii
Órdin: Pleuronectiformes
Famija: Soleidae
Gènàr: Solea, Quensel (1806)
Sòrta: Solea aegyptiaca • Solea bleekeri Solea capensis • Solea elongata Solea fulvomarginata • Solea heinii Solea humilis • Solea ovata • Solea solea Solea senegalensis • Solea stanalandi

La sfója (nóm sientìfic: Solea; sogliola in itagliàṅ) 'l è 'n gènar ad pés 'd àqua salàda dla famìja di Soleidae (ma anc di Pleuronectidae). La gh'à ùndas spéci, qvéla cumùna l'è la Solea solea.

I vìv'n in di ucéan Pasìfic e Indiàṅ e in dla part urientàla 'd ucéan Atlàntic, óltar ch'in dal mâr Mediteràni, in dal mâr Négar e in dal mâr Bàltic.

I gh'aṅ di còrp piàt e 'd fórma uvàla, da i vint a i sinquànta cm ad lunghésa p'r un pēś mèdi ad tarśènt-quatarsènt gram, la part ad sōvar la dà su 'l maròṅ, qvéla 'd sóta l'è biànca. I stànan su 'l fónd, traśànd su la sàbia e su la śmàlta cun la part sinìstra dal còrp mént'r i sò òć i èṅ su la banda dèstra in dua su 'l pèt a gh'è na pina sōla. La sò pèl l'è lisa.

Al sfój i màgnan di bēg, di mulùsc, di grustàsar e di pisulèṅ, ch'i càsan specialmènt ad nòt méntar durànt al dè i s lōgan sóta la sàbia.

La sò carna l'è dimóndi bòna e alśēra, cun 'n 80% ad pruteìni, e l'è druàda in dal cuśìni ad tut al mónd.

Culegamènt estéran

Àtar prugèt

Wikiquote contiene citazioni di o su Sfója
Wikimedia Commons contiene file multimediali su Sfója