Sex Crimes 2

Da Wikipedia.

C'l artìcul chè 'l è scrit in Miranduléś Emiliàn

Wild Things 2
Sex Crimes 2

La Arcieri e la Ward in na figùra dal film
Crìmin ad Sès 2
2004
Regìa: Jack Perez
Scritōr: Ross Helford
Andy Hurst • Stephen Peters
Atōr: Susan WardKatie StuartLeila Arcieri
Isaiah WashingtonLinden AshbyKathy Neff
Joe Michael BurkeAnthony John Denison
Müsica: Andrew Feltenstein • John Nau
Léngua: IngléśSpagnōl
Dürä dal film: 108 minüt
Nasiōṅ: Stat Unî


«
Prònti a tut.»
(Tagline dal film)


Sex Crimes 2 (Crìmin ad Sès 2) 'l è 'n film thriller dal 2004 ad Jack Perez vgnû fóra diretamènt p'r al marcâ d'l home video. La pelìcula la tōś spunt da 'n film dal 1998, Sex Crimes - Giochi pericolosi.

Sunt

La Brittney Havers (Susan Ward), studènta in un culéǵ dla Flòrida, la fà la bèla vita da quànd sò màdar (Kathy Neff) l'à spuśâ 'l migliardàri Niles Dunlap (Tony Denison) prima 'd murìr dòp 'n incidènt in màchina magnàda da di aligadōr in un padól, a s pènsa acsè esénd ch'al còrp al n s cata briśa. I lut par la ragàsa però i n finìsan minga lè parchè a mōr anc Niles quànd al sò aparéć privâ al gh'à 'n guàst.

Quànd al nudàr al vèra 'l testamènt, a s lèś ch'la Brittney la gh'à dirìt sōl a 'n vitalìsi da pôc parchè tut al sò patrimòni, stanta migliòṅ ad dòlar, 'l armagnrà a la sò sucietà par via 'd un trust aśiendàł. Sōl s'a saltìs fóra 'n parènt dla sò rasa, c'n al sò sànguv dònca, i sò bèsi i saràṅ ereditâ da qualchidòṅ.

Un parènt a s fà viṿ dabòṅ, a s trata dla Maya King (Leila Arcieri), na cumpàgna 'd scōla dla Brittney ch'i s bècan sèmpar esénd ch'i n s cumpatìsan minga fra 'd lōr tant ch'i s dànan dla vacàsa nimàla 'd cuntìnuv. Chi lē la diś 'd èsar sò fiōla, nada dòp che 'l óm un dè 'l ivâ viulentâ sò màdar camaréra. Al giùdas, dòp avēr fat far al tèst dal DNA da 'l perìt Julian Haynes (Joe Michael Burke), al decìd ad lasàr tut a lē.

'L agìnt dl'asicurasiòṅ Terence Bridge (Isaiah Washington) al naśa ch'a gh'è quèl ch'a traśa e 'l taca a indagàr su 'l caś anc parchè al vîṅ a savēr ch'in dal mutōr d'l aparéć vgnû śò i aṅ catâ dal póndghi, cuma s'a s fus tratâ 'd un sabutàǵ. Inólt'r in dal stómag ad cal bèsti lè i gh'aṅ catâ di rèst ad turàć, cuma s'i daśvgnìsan da la cantìna di Havers.

Al tragatèṅ al gh'è dabòṅ: la Brittney e la Maya i èṅ muróśi e i aṅ strulgâ 'n piàṅ par ciapàr i bèsi dl'asicurasiòṅ e dla sucietà 'd Niles, 'd acòrd cun Julian inturtâ facilmènt śugànd la carta dal sès. Quànd però Terence al và adrē c'n al perìt faghénd-ag dal dmandi cuma s'al saìs quèl, la Maya la decìd ad far-al fóra par paùra ch'al pòsa far di śbali mo anc par divìdar par dū i bèsi e minga par tri.

Culegamènt estéran