Se solo fosse vero
|
C'l artìcul chè 'l è scrit in
Miranduléś |
 Just Like Heaven | ||
| Se solo fosse vero | ||
 La Reese Witherspoon in na figùra dal film | ||
| Se sōl a fus véra 2005 | ||
|---|---|---|
| Regìa: Mark Waters | ||
| Scritōr: Peter Tolan • Leslie Dixon • Marc Lévy | ||
| Atōr: Reese Witherspoon • Mark Ruffalo Jon Heder • Donal Logue • Dina Spybey-Watersh Ivana Milicevic • Ben Shenkman • Ron Canada Caroline Aaron • Rosalind Chao • Shulie Cowen | ||
| Müsica: Rolfe Kent | ||
| Léngua: Ingléś • Spagnōl • Cinéś | ||
| Dürä dal film: 95 minüt | ||
| Nasiōṅ: Stat Unî | ||
Se solo fosse vero (Se sōl a fus véra) l'è na cumèdia rumàntica americàna dal 2005 ad Mark Waters trata da 'n rumànś ad Marc Levy.
Custâ sinquànt'òt migliòṅ ad dòlar, al film al 'n à pò purtâ a cà dagnóra sènt-tri. Al tìtul uriginàł dal film, Just Like Heaven, 'l è tìtul 'd un pès di The Cure ch'al s cata a 'l inìsi dla pelìcula, candàda par la Katie Melua, e a la fiṅ su i tìtui 'd cóa, cantàda pròpria par Robert Smith.
Sunt
[mudéfica la surzéia]L’Elizabeth Masterson (Reese Witherspoon) l'è na śōvna puta ch'la lavōra da dutōra in un prònt sucōrs ad San Francisco. Cal mistēr lè 'l è dimóndi pēś par lē ma 'l pinsēr ad far quèl par chi àtar al la juta a tiràr avànti. Na sira, turnànd a cà in màchina p'r andàr a séna c'n un tisi che sò surèla Abby (Dina Spybey-Waters) la gh'à da preśentàr-ag, la gh'à 'n brut incidènt e la finìs in còma.
Al sò apartamènt al vîṅ tòlt in afìt da 'n ragàs armàś véduv da pôc, David Abbott (Mark Ruffalo), ch'a 'l impruvìś al taca a véd'r al spìrit dl’Elizabeth in cà. La ragàsa la taca a dascórar sèg e a tgnir-'g adrē, in fiṅ tant ch'i dū i s inamōran dabòṅ anc s'i n s pōlan gnanc tucàr e sōl lò 'l è bòṅ ad far-'g a mènt. Un dè però al dutōr Brett Rushton (Ben Shenkman) al dascór cun l’Abby par dmandàr-'g al parmés ad dastacàr la spina esénd che quàl lè 'l éra 'l vulēr ad sò surèla s'la s fus catàda in cal cundisiòṅ lè.
Par salvàr-ag la vita David al dmanda a 'l sò amìg Jack (Donal Logue) ad jutàr-'l a purtàr via 'l còrp dl’Elizabeth da 'l uśdàł.