Gardlèṅ
|
C'l artìcul chè 'l è scrit in
Miranduléś |
.jpg)
Al gardlèṅ (Carduelis carduelis, cardellino in itagliàṅ) 'l è 'n uśèl dla famìja di Fringilîd, cun quatórdas sóta-spéci: qvéi dal grup carduelis i vìv'n in Európa e in Turchìa tut 'l an méntar 'd Istâ i s càt'n anc in Rùsia, qvéi dal grup caniceps invéci i stànan in Pàkistan, Himalaya, Tìbet e Népal.
Al gardlèṅ, ch'al sumìlia dimóndi a 'l paseròt, 'l è lung da 10,5 a 13,5 cm p'r un pēś ch'al va da i déś a i trénta gram. La sò tèsta l'è tónda e 'd culōr rós, biànc e négar, cun di òć grand. La pansa e 'l pèt al pōl èsar maròṅ o griś a secónda dla rasa. Al sò ali i rìv'n a òt cm. In Istâ al fà di ōṿ maciâ.
C'l uśèl chè al pésca da magnàr durànt al dè, graṅ, rumlìni e insèt. I masć i èṅ bòṅ ad cantàr dimóndi bèṅ.