Scòsia Nóva
|
C'l artìcul chè 'l è scrit in
Miranduléś |
La Scòsia Nóva (Nova Scotia in ingléś, a s lèś [ˌnoʊvə ˈskoʊʃə]) l'è na pruìnsa dal Cànada ch'la s cata in d'l èst dal paéś, su 'l Ucéan Atlàntic. La s è śuntàda a la cunfederasiòṅ in dal 1867 e la part dal tri “pruìnsi marìtimi” insém a l'Ìśula dal Prìnsip Duàrd e a 'l Brunswick Nóṿ ch'al cunfìna sèg a òvest.
Al sò caplōg 'l è Halifax mént'r al sò mòt in latìn 'l è „Munit haec et altera vincit“ (Òṅ al difénd e chi àt'r i vìnsan). Al sò clima al s davśina a qvél cuntinentàł.
L'è granda 55.283 km², cun 5.400 lâg, e la mùcia sù un migliòṅ e pasa 'd abitànt, divìś p'r al sò daśdòt cuntèi.
Cgnusùda da sèmpar cuma la “pruìnsa daśmindgàda”, la Scòsia Nóva l'è carsùda dimóndi, pasànd da n'ecunumìa ch'la cuntàva su la pésca e su 'l furèsti a una ch'la và fòrt in di servìsi: turìśum, tecnulugìa e indùstria aerospasiàla. La gh'à anc dimóndi petròli e gas e di giacimènt ad śés.
.svg){kind=small}