Saverio Fabbri

C'l artìcul chè 'l è scrit in Bulgnaiṡ

Saverio Fabbri (Bulåggna, 9 ed lùj dal 1986) l'è un atåur, prudutåur, scenaréssta e dopiatåur italiàn, uriginâri ed Pianôr.

L'è cgnusû a livèl internaziunêl pr al sò ròl in dal fìlm EO (2022) dal regìsta pulâch Jerzy Skolimowski, ch'l ha vinti al Prêmi dla Giurî al Festimàl ed Cannes e l'è stê numinâ ai Prêmi Oscar cl'an dadrî cme miōr fìlm internaziunêl.

Biografî

Fabbri l'è nê a Bulåggna, fîl ed Carla Acquarelli, maîstra ed scōla elementêra, e Fabio Fabbri (1953-2016), geòmetra in dal cmûn local. L'è cresû a Pianôr. La sò famajja la vgnîva d'na tradiziån artìstica ed buratén bulgnîṡ, un fat ch'l ha sänper spiutê al sò talänt par lo spetâcul. Fîn da cîno l'ha sänper avû la pasiån par la recitaziån, i idióm furastîr e la comunicaziån.

A 6 an l'è dintrê in d'na cumpagnî ed teâter locêl, recitand sèg par sèt an in bän d'na dèna ed comédi, cme Il malato immaginario ed Molière o Il vestito nuovo dell'imperatore. L ha studiè a l'Universitê par Tradutûr e Intèrpret, e al parlna fluidamänt l italiàn, l inglaiṡ, al spagnōl, al franzêś e al pulâch. In dal 2014 l'as è spusâ cun Katarzyna Agata. I han dō fîli e incō i vîven a Varsavia.

In dal 2018 l'è stê seleziunè pr al prugràma par atåur Hollywood Immersive a Los Angeles, studiand al Beverly Hills Playhouse. In dal 2022 l'ha fât la pèrt d'un traficànt ed bēsti in dal fìlm EO ed Jerzy Skolimowski, sfiland a Cannes. Dal 2025 l'è dintrê in dal cast dla sêrie tv dla Polònia Na sygnale (TVP2), in dla pèrt ed Luigi Oleone, par 14 episòdi. L'ha fât anca di pruzès ed reclàm par rēdi e tv (cme mBank, Biedronka, Bank Millennium, Mlekpol, Aviva e Microsoft).

Prîma ed fêr l'atåur, l'è stê un żugadåur ed crìcket internaziunêl par l'Itâglia cme batidåur e lanciauul (leg-break). L'ha tacâ in dal 1997 cul *Pianoro Cricket Club* e po in dal *Bologna Cricket Club*. L'ha rapresentâ l'Itâglia in dal squâdri nasiunêl Under-15, Under-17 e Under-19 in di Campunê Europèi in Germâgna (2001), Gibilterra (2002) e Paeś Bâs (2003). In dal 2008 l'ha fât al comentatåur d'asistänza par Sky Sport Italia par la Premier League indiana.

Filmugrafî

2026 - Stroke
2025 - Girl Hires Her Ex As Her Bodyguard – Sêrie TV (DramatizeMe)
2025-incō - Na sygnale – Sêrie TV (TVP2)
2024 - Lesbian Psycho?, (anca prudutåur)
2023 - Italian Psycho, (anca prudutåur)
2023 - Barwy Szczęścia – Sêrie TV
2022 - EO, regìa ed Jerzy Skolimowski
2021 - Hello Au Revoir
2020 - Don't Read This On A Plane
2019 - HI LA (Hollywood Immersive LA) – Reality / Docu
2018 - To Catch a Spydra
2009 - L'uomo che verrà (comparsa)

Teâter

2018 - Doug and Jim's Talk
2018 - Uno di Noi (Gary Stevens)
2015 - Il Professore di Pianoforte
1994 - Il Vestito dell'Imperatore

Colegamänt estêren

Sît u ficiêl ed Saverio Fabbri
Saverio Fabbri in dal database IMDb