Saundra Edwards

C'l artìcul chè 'l è scrit in Miranduléś

La Saundra Lee Edwards, cgnusùda dal vòlti anc cuma Sandra Edwards (Los Angeles, 12 ad Mars dal 1938 - Palm Springs, 2 ad Śugn dal 2017), l'è stada n'atōra e mudèla americàna.

Dòp 'n inìsi da mudèla, cun na cupertìna sentràla su la rivìsta Playboy in dal mars dal 1957, la Saundra l'à fat al sò debùt a 'l cìnema 'l an dòp tulénd part a 'l film Il nudo e il morto, cun prutagunìsta Aldo Ray, e a la cumèdia La signora mia zia, cun la Pippa Scott. I sò rōi più impurtànt i rìvan però in di an Ssanta c'n i drama Febbre nel sangue, a fiànc 'd Efrem Zimbalist Jr. e dl'Angie Dickinson, e Vento caldo, cun la Claudette Colbert e Karl Malden.

In dal dicémbar dal 1961 la Saundra la s éra spuśàda in secóndi nòsi c'n al culéga Tom Gilson ma òt méś dòp chi lē la s éra divìśa, andànd a vìvar cun sò surèla e sò cugnâ, parchè lò al gh i dava. Quànd pò sò marè 'l éra andâ a bcar-la in dla cà in du l'éra andàda a star, la Saundra la 'l à cupâ tirànd-ag na sćiuptàda a 'l cōr. Anc s'un giùdas 'l iva decìś ch'a s tratàva dna reasiòṅ giustificàda, al scàndal ch'l è scupiâ 'l à in di fat tirâ na riga su la sò caréra. In chi quàt'r an lè la Saundra l'iva recitâ anc in soquànti série televiśìvi cuma Maverick e Indirizzo permanente.

Filmugrafìa

1958 - Il nudo e il morto (The Naked and the Dead), regìa ad Raoul Walsh
1958 - La signora mia zia (Auntie Mame), regìa ad Morton DaCosta
1959 - Quota periscopio! (Up Periscope), regìa ad Gordon Douglas
1960 - Jack Diamond gangster (The Rise and Fall of Legs Diamond), regìa ad Budd Boetticher
1960 - Il cielo è affollato (The Crowded Sky), regìa ad Joseph Pevney
1961 - Febbre nel sangue (A Fever in the Blood), regìa ad Vincent Sherman

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Saundra Edwards