Saskatchewan
|
C'l artìcul chè 'l è scrit in
Miranduléś |
Al Saskatchewan (a s lèś /səˈskætʃəwən/ o /səˈskætʃəˌwɑːn/ in ingléś) 'l è na pruìnsa dal Cànada ch'la s cata in dal sèntar-sud dal paéś. Al sò mòt in latìn 'l è „Multis e gentibus vires“ (Da dimóndi gint putēr). 'L è grand 651.900 km² e 'l mùcia sù un migliòṅ e dū 'd abitànt, praticamènt tut in dla sò part meridiunàla (ad sóta dal 53śum paralēl) esénd ch'al nòrd 'l è pîṅ stóp 'd bòsc. Al fà part dla cunfederasiòṅ da 'l 1905.
Al cunfìna c'n al Muntàna e c'n al Dakòta dal Nòrd a sud (Stat Unî), cun l'Albèrta a òvest, c'n i Teritóri dal Nòrd-Òvest a nòrd, c'n al Nunavut p'r un punt sōl a nòrd-èst e c'n al Manitòba a èst.
Al ciàpa 'l nóm da 'n impurtànt fiùm ch'al gh pasa in mèś.
La sò ecunumìa la pōl cuntàr su l'agricultùra, specialmènt su 'l furmintòṅ, e su l'estrasiòṅ dal putàs e d'l uràni. Al spòrt ufisiàł dla pruìnsa 'l è 'l curling.
Al sò caplōg 'l è Regìna ch'la fà sù duśènt-mila abitànt a 'l incìrca, subìt dòp Saskatoon ch'la pasa invéci i duśènt-ssantamìla.
.svg){kind=small}