Sarah Michelle Gellar

C'l artìcul chè 'l è scrit in Miranduléś

La Sarah Michelle Gellar (New York, 14 'd Avrìl dal 1977, a s lèś [ˈsɛrə mɪˈʃɛl ˈɡɛlər] in ingléś), l'è n'atōra e ardupiadōra americàna.

L'è dvintàda famóśa p'r avēr fat la part dla Buffy Summers in dagnóra sènt-sinquànta puntàdi dla série televiśìva cult Buffy l'ammazzavampiri, da 'l 1997 a 'l 2003. L'à anc vins 'n Emmy Award p'r al rōl dla Kendall Hart in dla soap opera La valle dei pini.

L'è cgnusùda anc p'r èsar stada na regìna di sîg dal cìnema americàṅ da la fiṅ di an Nuànta a 'l inìsi di an Dumìla, avénd lē tòlt par a film ad scarésa cuma So cosa hai fatto (1997), a fiànc ad Ryan Phillippe, dl'Anne Heche e 'd Freddie Prinze Jr. ch'in dal 2002 al dvintarà anc sò marè, Scream 2 (1997), cun la Neve Campbell, The Grudge (2004), in còpia cun Bill Pullman, e L'incubo di Joanna Mills (2006).

Dòp al brut strabùc dal film Southland Tales - Così finisce il mondo in dla part dn'èx atōra pòran, pelìcula ch'la n è gnanc stada bòna ad far sù mèś migliòṅ ad dòlar di darsèt ch'l'è custàda, l'à s è butàda a lauràr da piò in série televiśìvi cuma Ringer, The Crazy Ones e Dexter: Original Sin e anc a dar la sò vōś in soquànt dupiàǵ cuma Cenerentola e gli 007 nani, American Dad!, Star Wars Rebels e Masters of the Universe: Revelation.

Fra i sò àtar film ad sucès a 'rcurdém Cruel Intentions - Prima regola non innamorarsi (1999), in dla part dla catìva Kathryn Merteuil, e Scooby-Doo (2002) in di pagn dla Daphne Blake.

Filmugrafìa

1983 - Invasione della privacy (An Invasion of Privacy), regìa ad Mel Damski – Film TV
1984 - Oltre il ponte di Brooklyn (Over the Brooklyn Bridge), regìa ad Menahem Golan
1988 - L'allegra fattoria (Funny Farm), regìa ad George Roy Hill
1989 - High Stakes, regìa 'd Amos Kollek
1997 - I Robinson di Beverly Hills (Beverly Hills Family Robinson), regìa ad Troy Miller – Film TV
1997 - So cosa hai fatto (I Know What You Did Last Summer), regìa ad Jim Gillespie
1997 - Scream 2, regìa ad Wes Craven
1999 - Kiss Me (She's All That), regìa ad Robert Iscove
1999 - Semplicemente irresistibile (Simply Irresistible), regìa ad Mark Tarlov
1999 - Cruel Intentions - Prima regola non innamorarsi (Cruel Intentions), regìa ad Roger Kumble
2001 - Harvard Man, regìa ad James Toback
2002 - Scooby-Doo, regìa ad Raja Gosnell
2004 - Scooby-Doo 2 - Mostri scatenati (Scooby Doo 2: Monsters Unleashed), regìa ad Raja Gosnell
2004 - The Grudge, regìa ad Takashi Shimizu
2006 - The Grudge 2, regìa ad Takashi Shimizu
2006 - L'incubo di Joanna Mills (The Return), regìa 'd Asif Kapadia
2006 - Southland Tales - Così finisce il mondo (Southland Tales), regìa ad Richard Kelly
2007 - Suburban Girl, regìa ad Marc Klein
2007 - The Air I Breathe, regìa ad Jieho Lee
2009 - Possession, regìa ad Joel Bergvall e 'd Simon Sandquist
2009 - Veronika Decides to Die, regìa dl'Emily Young
2022 - Do Revenge, regìa dla Jennifer Kaytin Robinson
2022 - Clerks III, regìa ad Kevin Smith
2025 - So cosa hai fatto (I Know What You Did Last Summer), regìa dla Jennifer Kaytin Robinson

Culegamènt estéran

(IT) Filmugrafìa su 'l IMDb

Àtar prugèt

Wikiquote contiene citazioni di o su Sarah Michelle Gellar
Wikimedia Commons contiene file multimediali su Sarah Michelle Gellar